پوليتسيا قازاقستان جولدارىنداعى باقىلاۋدى كۇشەيتتى، دەپ حابارلايدى "ادىرنا" ۇلتتىق پورتالى ىشكى ىستەر مينيسترلىگىنىڭ رەسمي سايتىنا سىلتەپ.
قازاقستاندا "قاۋىپسىز جول" رەسپۋبليكالىق وپەراتسياسى باستالدى. ماقساتى-جول قاۋىپسىزدىگىن قامتاماسىز ەتۋ دەڭگەيىن ارتتىرۋ، جول-كولىك وقيعالارىنىڭ الدىن الۋ، جول قوزعالىسىنىڭ كەز كەلگەن بۇزۋشىلىقتارىنا "نولدىك توزىمدىلىك" قاعيداتىن نىعايتۋ. پاترۋلدىك پوليتسيا بۇگىننەن باستاپ قىزمەت كورسەتۋدىڭ كۇشەيتىلگەن نۇسقاسىنا كوشتى", - دەلىنگەن دۇيسەنبىدەگى حابارلامادا.
ءىىم مالىمەتتەرى بويىنشا، جولدارداعى ناريادتاردىڭ تىعىزدىعى ارتتى.
"وپەراتسيا كەزىندە جول قاۋىپسىزدىگىن كۇن سايىن 7 مىڭنان استام پاترۋلدىك پوليتسيا قاداعالايدى، ونىڭ ىشىندە 1,5 مىڭعا جۋىعى قالا سىرتىنداعى اۆتوجولداردا بولادى", – دەلىنگەن حابارلامادا.
اتاپ وتىلگەندەي، قاۋىپسىزدىك بەلدىكتەرىن، بالالاردى ۇستاۋ قۇرىلعىلارىن پايدالانۋعا، اۆتوكولىكتى باسقارۋ كەزىندە ۇيالى تەلەفونداردى پايدالانۋعا، جاياۋ جۇرگىنشىلەر وتكەلدەرىنىڭ ءجۇرۋ ەرەجەلەرىن ساقتاۋعا جانە باسقالارعا ەرەكشە نازار اۋدارىلادى.
"وسى مۇمكىندىكتى پايدالانا وتىرىپ، جول قوزعالىسىنا قاتىسۋشىلاردان جول قوزعالىسى ەرەجەلەرىن قاتاڭ ساقتاۋدى، اۋا - رايىنىڭ ناشارلاۋى كەزەڭىندە ەرەكشە ءتارتىپتى بولۋدى جانە ەلدى مەكەندەردەن تىس جەرلەرگە شىقپاۋدى سۇرايمىز", - دەپ اتاپ ءوتتى ءىىم.
ءىس-شارا 29 اقپانعا دەيىن جالعاسادى.
