Polıııa Qazaqstan joldaryndaǵy baqylaýdy kúsheıtti, dep habarlaıdy "Adyrna" ulttyq portaly Ishki ister mınıstrliginiń resmı saıtyna siltep.
Qazaqstanda "Qaýipsiz jol" respýblıkalyq operaııasy bastaldy. Maqsaty-jol qaýipsizdigin qamtamasyz etý deńgeıin arttyrý, jol-kólik oqıǵalarynyń aldyn alý, jol qozǵalysynyń kez kelgen buzýshylyqtaryna "nóldik tózimdilik" qaǵıdatyn nyǵaıtý. Patrýldik polıııa búginnen bastap qyzmet kórsetýdiń kúsheıtilgen nusqasyna kóshti", - delingen dúısenbidegi habarlamada.
IIM málimetteri boıynsha, joldardaǵy narıadtardyń tyǵyzdyǵy artty.
"Operaııa kezinde jol qaýipsizdigin kún saıyn 7 myńnan astam patrýldik polıııa qadaǵalaıdy, onyń ishinde 1,5 myńǵa jýyǵy qala syrtyndaǵy avtojoldarda bolady", – delingen habarlamada.
Atap ótilgendeı, qaýipsizdik beldikterin, balalardy ustaý qurylǵylaryn paıdalanýǵa, avtokólikti basqarý kezinde uıaly telefondardy paıdalanýǵa, jaıaý júrginshiler ótkelderiniń júrý erejelerin saqtaýǵa jáne basqalarǵa erekshe nazar aýdarylady.
"Osy múmkindikti paıdalana otyryp, jol qozǵalysyna qatysýshylardan jol qozǵalysy erejelerin qatań saqtaýdy, aýa - raıynyń nasharlaýy kezeńinde erekshe tártipti bolýdy jáne eldi mekenderden tys jerlerge shyqpaýdy suraımyz", - dep atap ótti IIM.
Is-shara 29 aqpanǵa deıin jalǵasady.
