بۇگىن ءازىربايجاندا پرەزيدەنتتىك سايلاۋدا داۋىس بەرۋ باستالدى، دەپ حابارلايدى "ادىرنا" ۇلتتىق پورتالى.
ورتالىق سايلاۋ كوميسسياسىنىڭ (وسك) توراعاسى مازاحير پاناحوۆ سايلاۋ ۋچاسكەلەرىن ساعات 08:00-دەن باستاپ داۋىس بەرۋگە اشىق دەپ جاريالادى.
پرەزيدەنت لاۋازىمى ءۇشىن "ەني ءازىربايجان" بيلەۋشى پارتياسىنان پرەزيدەنتتىككە كانديدات يلحام اليەۆ، ءوزىن - ءوزى ۇسىنۋشىلار زاحيد ورۋج جانە فۋاد اليەۆ، ۇلتتىق فرونت پارتياسىنان كانديدات رازي نۇرۋللاەۆ، ۇلى جاسامپاز پارتياسىنان - فازيل مۇستافا، "ۇلى ءازىربايجان" پارتياسىنان - ەلشاد مۇساەۆ، ءازىربايجاننىڭ بىرىڭعاي حالىق مايدانى پارتياسىنان - گۋدرات گاسانگۋليەۆ تالاسۋدا.
ەستەرىڭىزگە سالا كەتەيىك، سايلاۋشىلار تىزىمىندە 6 ميلليون 478 مىڭ 623 ادام بار. ولار بۇكىل ەل بويىنشا 6537 سايلاۋ ۋچاسكەسىندە داۋىس بەرەدى.
سايلاۋدى باقىلاۋ ءۇشىن 90 مىڭنان استام باقىلاۋشى تىركەلگەن.
تاۋەلسىز ءازىربايجان تاريحىندا العاش رەت سايلاۋ ەلدىڭ بۇكىل اۋماعىن، سونىڭ ىشىندە جەردى باسىپ الۋدان بوساتىلعان اۋماقتى قامتىپ وتىر. وككۋپاتسيادان بوساتىلعان اۋماقتاردا 26 سايلاۋ ۋچاسكەسى قۇرىلدى.
