استانادا قۇمار ويىنعا اقشا تىگۋ ءۇشىن قوماقتى قارجى جىمقىرعان الاياق ەسەپشى سوتتالدى، دەپ حابارلايدى “ادىرنا” ۇلتتىق پورتالى قالالىق پروكۋراتۋرانىڭ حابارلاماسىنا سىلتەمە جاساپ.
قۇمار ويىندارىنا دەپ الاياقتىق جولمەن اقشا العان ايەل بەس جىلعا باس بوستاندىعىنان ايىرىلدى.
بەلگىلى بولعانداي، كىنالى ازامات جاۋاپكەرشىلىگى شەكتەۋلى سەرىكتەستىكتە ەسەپشى بولا تۇرا، سەرىكتەستىك يەلەرىن شەتەلگە ءتيىمدى ينۆەستيتسيا سالۋ تۋرالى جاڭىلىستىرىپ، الداۋ ارقىلى 385,9 ميلليون تەڭگەدەن استام قاراجاتتى يەمدەنگەن.
ايەل ۇرلانعان اقشانىڭ بارلىعىن دەرلىك كازينودا جوعالتقان.
"اتالعان ىسكە قاتىستى مەملەكەتتىك ايىپتاۋشى سوتتالۋشىنىڭ كىناسىنە قاتىستى بارلىق دالەلدەمەلەردى ۇسىندى. سوت ۇكىمى زاڭدى كۇشىنە ەندى", - دەپ حابارلادى ەلوردالىق پروكۋراتۋرا.
“ادىرنا” ۇلتتىق پورتالى
