Dala inside رەداكتسياسىنا قىسىم كورسەتىلدى، دەپ حابارلايدى "ادىرنا" ءتىلشىسى.
جۋرناليست دۋمان بىقاي باسقاراتىن رەداكتسيانىڭ قىزمەتكەرىنە قىسىم كورسەتىلۋدە. ناقتىراق، باس رەداكتورىنىڭ ۇستىنەن "G-Park" قۇرىلىس كومپانياسىنىڭ باسشىسى عابيت ساتماعامبەتوۆتىڭ ارىزدانعان. Dala inside باس رەداكتورى استانا قالاسى پوليتسيا دەپارتامەنتىنە تەرگەۋگە شاقىرىلدى. بۇل تۋرالى العاشقىلاردىڭ ءبىرى بولىپ قۋانىش راحمەتوللاۇلى دابىل قاقتى.
"ەسكى قازاقستاننىڭ بىلىعىن، نۇر كلاننىڭ ارتىن اشىپ، ارقاشاندا دالەلمەن دايەككە سۇيەنىپ اقپارات تاراتىپ جۇرگەن دۋمان بىكاي باسقاراتىن رەداكتسياعا قىسىم كورسەتىلە باستادى."G-Park" قۇرىلىس كومپانياسىنىڭ باسشىسى عابيت ساتماعامبەتوۆتىڭ ارىزىنا سايكەس، DALA INSIDE باس رەداكتورى استانا قالاسى پوليتسيا دەپارتامەنتىنە تەرگەۋگە شاقىرىلدى.دۋمانمەن حابارلاستىم. ازىرگە باسى امان، دەنى ساۋ.DALA INSIDE ءوز تىلشىلەرىنىڭ قۇقىعىن قورعاۋ ماقساتىندا ء"ادىل ءسوز" حالىقارالىق قورى مەن قازاقستان جۋرناليستەر وداعىنا جۇگىنبەك", - دەپ جازدى ول.
قۋانىش راحمەتوللاۇلى جاڭا قازاقستاندا تاۋەلسىز ءجۋرناليستىڭ تەرگەلۋى ادىلەتتى قازاقستان پرينتسيپىنە ساي كەلمەيتىنىن ايتىپ، ادىلدىك سۇرايدى.
