بيىلعى جىلى «قازاقفيلم» 9 كارتينانىڭ تۇساۋىن كەسپەك، دەپ حابارلايدى “ادىرنا” ۇلتتىق پورتالى.
كەشە، 16 اقپان شاكەن ايمانوۆتىڭ 110 جىلدىعىنا وراي “قازاقفيلم” ۇلتتىق كينوستۋدياسىندا جاڭا ماۋسىمنىڭ تۇساۋكەسەرى ءوتتى.
سونداي-اق ماۋسىمنىڭ ەندىگى سالتاناتتى اشىلۋىن جىل سايىن شاكەن ايمانوۆتىڭ تۋعان كۇنىندە وتكىزۋ تۋرالى شەشىم قابىلداندى.
“بۇگىنگى شارانىڭ ماقساتى – ءبىزدىڭ بيىلعا بىرجىلدىق باعىتىمىزدى انىقتاپ بەرۋ. سالىستىرمالى تۇردە ايتساق، بىلتىر “قازاقفيلم” ءبىر كينو تۇسىرگەن جوق. بيىل 9 كينو تۇسىرەدى. ءبىرىنشى رەت تاريحتا وسىنداي بولىپ تۇر: «قازاقفيلم» بەس كينوجوبانى ءبىرتيىنسىز تۇسىرەدى. ەلگە كورسەتكىمىز كەلەدى. «قازاقفيلم» دە وسىنداي دۇنيە جاساي الادى. ول جىل سايىن وسە بەرەدى. بيىل 9 بولسا، كەلەسى جىلى 15-كە جەتكىزۋگە تىرىسامىز”، - دەدى كينوستۋديا باسشىسى ازامات ساتىبالدى.
ايتا كەتەيىك، جوسپارداعى فيلمدەردىڭ بەسەۋى كوممەرتسيالىق بولسا، قالعان تورتەۋى مەملەكەتتىك قولداۋعا يە بولعان.
“ادىرنا” ۇلتتىق پورتالى