باسى داۋعا قالعان ازامات ساتىبالدى كەڭەسشىلەرىن سايلادى، دەپ حابارلايدى "ادىرنا" ءتىلشىسى.
شاكەن ايمانوۆ اتىنداعى «قازاقفيلم» اكتسيونەرلىك قوعامى پرەزيدەنتى ازامات ساتىبالدى ەكى كەڭەسشىسى تۋرالى الەۋمەتتىك جەلىدەگى پاراقشاسىندا جازدى.
"بەلگىلى پروديۋسەر جانە رەجيسسەر قۋانىش بەيسەك قازاقفيلم ۇلتتىق كينوستۋدياسى پرەزيدەنتىنىڭ كەڭەسشىسى بولىپ تاعايىندالدى. ول قازاقفيلمنىڭ شىعارماشىلىق دامۋ باعىتىن قاداعالاپ، سول باعىتقا جاۋاپ بەرەتىن بولادى. قۋانىش ستۋديامىزدىڭ دامۋىنا ءوز ۇلەسىن قوسادى دەگەن ۇلكەن سەنىمىم بار", - دەپ جازدى اكتەر ازامات ساتىبالدى Instagram جەلىسىندەگى پاراقشاسىندا.
ودان بولەك، شاكەن ايمانوۆ اتىنداعى «قازاقفيلم» كينوستۋديانىڭ وندىرىستىك باعىتىن قاداعالايتىن كەڭەسشى تاعايىندالعان.
بەلگىلى پروديۋسەر ەركەبۇلان كۇرىشباەۆ قازاقفيلم ۇلتتىق قينوستۋدياسى پرەزيدەنتىنىڭ كەڭەسشىسى بولىپ تاعايىندالدى. ەركەبۇلان قازاقفيلمنىڭ وندىرىستىك باعىتىن قاداعالايتىن بولادى. ەركەبۇلان ستۋديامىزدىڭ دامۋىنا ۇلكەن ۇلەس قوسادى دەپ سەنەمىن، - دەدى پرەزيدەنت.
ەسكە سالا كەتەيىك، ازامات ساتىبالدى جەلىدەگى پاراقشاسىندا قىتايدىڭ سۋ جاڭا كولىكتەرىن جارنامالاپ جۇرگەن بولاتىن. ونىڭ ۇستىنە شاكەن ايمانوۆ اتىنداعى "قازاقفيلم” كينوستۋدياسىنىڭ اۋماعىندا قىتايلىق كولىكتەر قاپتاعانى تۋرالى اقپارات تارادى.
