رەسەي پرەزيدەنتى ۆلاديمير پۋتين جاڭا ستراتەگيالىق تۋ-160م زىمىران تاسىعىشىنا تاتارستاننىڭ ءبىرىنشى پرەزيدەنتى مينتيمەر شايميەۆتىڭ ەسىمىن بەرۋدى ۇسىندى، دەپ حابارلايدى “ادىرنا” ۇلتتىق پورتالى.
بۇل تۋرالى پۋتين 21 اقپاندا قازان اۆياتسيالىق زاۋىتىن ارالاۋ كەزىندە ايتتى.
«ول تەك تاتارستان ءۇشىن عانا ەمەس، بۇكىل ەل ءۇشىن، بۇكىل رەسەي ءۇشىن كوپ ەڭبەك سىڭىرگەن ادام»، - دەدى پۋتين شايميەۆ تۋرالى.
تاتارستاننىڭ ءبىرىنشى پرەزيدەنتى، قازىر رەسپۋبليكانىڭ مەملەكەتتىك كەڭەسشىسى مينتيمەر شايميەۆ رەسەيدە پرەزيدەنتتىك سايلاۋ تۇسىندا ۆلاديمير ءپۋتيننىڭ سەنىمدى ادامى بولادى.
«ولار ماعان رەسەيدىڭ سەنىم بىلدىرگەن وكىلى رەتىندە ارەكەت ەتۋىمدى ۇسىندى. ولار مەنىڭ ءوز ەلىم تاتارستاننىڭ مۇددەسى ءۇشىن جۇمىس ىستەيتىنىمە كەلىستى»، - دەدى شايميەۆ.
