ماڭعىستاۋ وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا، اقتاۋداعى مامانداندىرىلعان IT ليتسەيىنىڭ ەكى وقۋشىسى ا گەپاتيتىنە قارسى ەكپە العاننان كەيىن وزدەرىن ناشار سەزىنە باستاعان، دەپ حابارلايدى “ادىرنا” ۇلتتىق پورتالى.
"وبلىستىق اۋرۋحانانىڭ رەانيماتسيا بولىمىندە بالالارعا العاشقى مەديتسينالىق كومەك كورسەتىلىپ، تەكسەرىستەن كەيىن پسيحوەموتسيونالدى كۇيزەلىس انىقتالدى. جاعدايلارى جاقسارعاننان كەيىن اتا-انالارى بالالاردى اۋرۋحاناعا جاتقىزۋدان باس تارتتى. ناۋقاستار امبۋلاتورلىق ەمدەلۋگە جىبەرىلدى. بالالار جەرگىلىكتى مەكەنجايى بويىنشا تىركەلگەن اۋرۋحانالاردىڭ باقىلاۋىندا بولادى", - دەپ مالىمدەدى وبلىس اكىمىنىڭ ءباسپاسوز قىزمەتى.
قازىر وقۋشىلاردىڭ جاعدايى قالىپتى ەكەنى ايتىلدى. پەدياتر ماماندار بالالاردىڭ ەكپەگە رەاكتسياسى جوق ەكەنىن مالىمدەدى.
“ادىرنا” ۇلتتىق پورتالى
