رەسپۋبليكا حالقىنان كەڭىنەن قولداۋ تاپقان قوزعالىس يادرولىق جارىلىستارعا قارسىلىق ءبىلدىرىپ، الەمدەگى يادرولىق قاۋىپتى جويۋدى ماقسات ەتتى، سەمەي يادرولىق پوليگونىندا يادرولىق سىناقتاردى توقتاتۋعا قول جەتكىزدى.
انتيادرولىق قوزعالىستىڭ كۇش-جىگەرى ارقاسىندا 1989 جىلى جوسپارلانعان 18 يادرولىق سىناق سانى 7-گە دەيىن ازايتىلدى. ەڭ سوڭعى يادرولىق سىناق وسى جىلدىڭ 19 قازانىندا جاسالدى.
انتييادرولىق قوزعالىسقا قاتىسۋشى قاراعاندىنىڭ 130 مىڭ شاحتەرى ەگەر يادرولىق سىناق توقتاماعان جاعدايدا مەرزىمى شەكتەۋسىز ەرەۋىلگە شىعاتىندارىن مالىمدەگەن بولاتىن.
ولاردى سەمەي، پاۆلودار، وسكەمەن، جەزقازعان جۇمىسشىلارى جانە سونداي-اق جوعارعى كەڭەس قولدادى.
حالىقتىڭ باستاماسىمەن تۇڭعىش رەت كسرو ۇكىمەتى يادرولىق قارۋدى سىناۋعا تىيىم سالۋ – موراتوري جاساۋ تۋرالى شەشىم شىعاردى. قازاقستان رەسپۋبليكاسىنىڭ ەگەمەندىگى تۋرالى دەكلاراتسيادا ەل اۋماعى يادروسىز ايماق دەپ جاريالاندى. كەيىن سول كەزدەگى قازاقستان پرەزيدەنتى ن.ءا. نازارباەۆتىڭ سەمەي پوليگونىن جابۋ تۋرالى جارلىعى – 1991 جىلدىڭ 29 تامىزى كۇنى شىقتى. ءسويتىپ تياناقتىلىق پەن تاباندىلىق تانىتقان قازاق حالقى ءوز ماقساتىنا جەتتى.
