قازاقستاندا 900 رەسەيلىك اسكەر بار. بۇل تۋرالى قازاقستان رەسپۋبليكاسى قورعانىس ۆيتسە-ءمينيسترى شايح-حاسان جازىقباەۆ ايتتى، دەپ حابارلايدى “ادىرنا” ۇلتتىق پورتالى.
«بۇكىل قازاقستان بويىنشا 900 ادام بار»، - دەدى جازىقباەۆ سارسەنبى كۇنى ءماجىلىس الاڭىندا قازاقستاندا رەسەي اسكەرىنىڭ قانشا وكىلى بار دەگەن سۇراققا جاۋاپ بەرىپ.
سونداي-اق، جازىقباەۆ باتىس قازاقستان وبلىسى تۇرعىندارىنىڭ رەسەيلىك «كاپۋستين يار» پوليگونىندا اسكەري زىمىرانداردى سىناقتان وتكىزۋگە بايلانىستى دەنساۋلىعىنا قاتىستى شاعىمدارىنان كەيىن جۋرناليستەردىڭ ساۋالدارىنا جاۋاپ بەرە وتىرىپ، سارى-شاعان پوليگونى تۋرالى ايتىپ، بۇل جەردە ەشقانداي سىناق جوق دەپ سەندىردى.
ايتا كەتەيىك، بۇعان دەيىن «نوۆايا گازەتا Europe» اگەنتتىگى جازعن باتىس قازاقستان وبلىسى بوكەيوردا اۋدانىنىڭ تۇرعىندارى ايماقتاعى تۋا بىتكەن دەنساۋلىق ماسەلەلەرىن رەسەيدىڭ قازاقستانمەن شەكارالاس استراحان وبلىسىنداعى كاپۋستين يار پوليگونىندا جۇرگىزىپ جاتقان زىمىران سىناقتارىمەن بايلانىستىراتىنىن جاريالاعان ەدىك.
