جوگوركۋ كەنەش وتىرىسىندا دەپۋتات اقىلبەك تۇمونباەۆ بۇرىنعى مەملەكەت باسشىسى ساۋرانباي جيەنبەكوۆتى قىرعىزستاننىڭ ەكس-پرەزيدەنتى مارتەبەسىنەن ايىرۋدى ۇسىندى، دەپ حابارلايدى «ادىرنا» ءتىلشىسى.
ونىڭ ايتۋىنشا، ەكس-پرەزيدەنت جەمقور شەنەۋنىكتەردىڭ قاتارىندا.
«قازىر پرەزيدەنت پەن ۇلتتىق قاۋىپسىزدىك كوميتەتىنىڭ توراعاسى جەمقورلىقپەن بەلسەندى كۇرەسىپ جاتىر. بۇعان دەيىن جەمقور شەنەۋنىك رايىمبەك ماترايموۆ تۋرالى كوپ ايتىلىپ، ونىڭ كەسىرىنەن كەيبىر دەپۋتات قىزمەتىنە كەتتى. تازارتۋ جۇمىستارى ءالى ءجۇرىپ جاتىر. بىراق بۇگىندە ولاردىڭ اراسىندا ۇمىت بولعان ساۋرانباي جيەنبەكوۆ تە بار. ول ماترايموۆتى ساياسات ساحناسىنا الىپ كەلدى. ساۋرانباي جيەنبەكوۆ مەملەكەت ەسەبىنەن كۇن كورىپ، مەملەكەتتىك كولىك ءمىنىپ، مەملەكەت اقشاسىن الىپ وتىر»، — دەدى اقىلبەك تۇمونباەۆ.
جوگوركۋ كەڭەش ۆيتسە-سپيكەرى، دەپۋتات نۇرلانبەك ازىعاليەۆ جيەنبەكوۆتى ەكس-پرەزيدەنت مارتەبەسىنەن ايىرۋ ءۇشىن فراكتسيا شەشىمى قاجەت ەكەنىن، سودان كەيىن كوميسسيا جاساقتالاتىنىن اتاپ ءوتتى.
ەسكە سالا كەتەيىك، بۇعان دەيىن قىرعىزستان پارلامەنتى ەلدىڭ بۇرىنعى باسشىسى المازبەك اتامباەۆتى قول سۇقپاۋشىلىق قۇقىعىنان جانە ەكس-پرەزيدەنت مارتەبەسىنەن ايىرعان ەدى.
