يندۋستريا جانە قۇرىلىس مينيسترلىگى الماتىداعى كيروۆ اتىنداعى ماشينا جاساۋ زاۋىتىن ساتۋ جونىندەگى كونكۋرستى الىپ تاستادى. بۇل تۋرالى ۆەدومستۆونىڭ سايتىنداعى مالىمدەمەدە ايتىلعان، - دەپ حابارلايدى “ادىرنا” ۇلتتىق پورتالى.
28 اقپاندا مينيسترلىك «قازاقستان ينجينيرينگ» ۇلتتىق كومپانياسىنا بۇيرىق جولداعان. اۋكتسيون وتكىزىلمەيدى، دەپ حابارلادى دەپارتامەنت.
«يندۋستريا جانە قۇرىلىس مينيسترلىگى «كيروۆ ماشينا جاساۋ زاۋىتى» اق-نىڭ 100 پايىز جاي اكتسيالارىن ساتۋ بويىنشا جاريالانعان كونكۋرستىڭ كۇشىن جويۋ تۋرالى شەشىم قابىلدادى.
كيروۆ اتىنداعى ماشينا جاساۋ زاۋىتى 1942 جىلى قۇرىلعان جانە تمد ەلدەرىندە جىلۋ قوزعالتقىشى بار تورپەدالاردى شىعاراتىن جالعىز كاسىپورىن بولىپ تابىلادى. ۇلى وتان سوعىسىنىڭ باسىندا زاۋىت الدىمەن ماحاچكالاعا، ال 1942 جىلدىڭ اياعىندا الماتىعا كوشىرىلدى.
ايتا كەتەيىك، ساۋدا 12 ناۋرىزدا باستالۋى كەرەك ەدى. اۋكتسيونداعى باستاپقى باعا 6,1 ملرد تەڭگە بولىپ بەلگىلەندى.
