قاراعاندىدا 1 اي بۇرىن سۋعا باتقان بالىقشىنىڭ دەنەسى تابىلدى، دەپ حابارلايدى "ادىرنا" ءتىلشىسى.
توتەنشە جاعدايلار مينيسترلىگى مۇردەنى بالىقشىلاردىڭ تاۋىپ العانىن مالىمدەدى.
1 اي بۇرىن، 3 اقپاندا مولودەجنىي اۋىلىنىڭ ماڭىندا بالىق اۋلاۋ كەزىندە ءۇش بالىقشى مىنگەن كولىك مۇزعا ءتۇسىپ كەتكەن بولاتىن. كولىكتەگى ەكى ەر ادام سىرتقا شىعىپ ۇلگەرگەنىمەن، ءبىر بالىقشى كولىك ىشىندە قالىپ قويعان.
كولىك وزەننەن شىعارىلعانىمەن سۋعا باتقان ادام تابىلماعان.
كەيىن اۋا رايىنىڭ قولايسىزدىعىنا بايلانىستى سۋعا باتقان ادامدى ىزدەۋ جۇمىستارى ۋاقىتشا توقتاتىلعان ەدى.
