"العىس ايتۋ" كۇنىنە وراي مەملەكەتتىك اكادەميالىق كورەي مۋزىكالىق كومەديا تەاترىندا جاڭا قويىلىم كورسەتىلدى

1 ناۋرىز ەلىمىزدە «العىس ايتۋ» مەرەكەسى كەڭ كولەمدەاتاپ ءوتۋ داستۇرگە اينالدى. بۇل كۇن كوكتەمنىڭ، جاقسىلىقتىڭ، جاڭارۋدىڭ مەرەكەسى. وسى العىس ايتۋ كۇنىنە وراي رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترى «ءومىر-بىرلىك تاريحى» اتتى تەاترلاندىرىلعان قويىلىم قويدى. بۇل وتاندى قۇرمەتتەپ، حالىقتار اراسىنداعى دوستىق پەن بىرلىكتى ناسيحاتتايتىن، جاقسىلىققا شاقىراتىن شىعارما. قويىلىم سوناۋ قيىن كەزەڭدە باسقالارعا پانا بولعان قازاق حالقىنىڭ ادامگەرشىلىگى مەن مەيىرىمدىلىگىنە ايتىلعان العىس. قيىر شىعىستان جۇك ۆاگوندارىنا تيەپ، قازاق دالاسىنا اكەلىنگەن كورەيلەر تالاي ازاپتى دا اۋىر جولدى باستان كەشەدى. قىس كەزىندە كۇننىڭ سۋىقتىعىنان جولدى تالاي ادام كوتەرە المايدى. ىشەر تاماق، جىلى كيىمى جوق ولار تەك قازاق حالقىنىڭ مەيىرىمدىلىگى مەن قامقورلىعىنىڭ ارقاسىنادا عانا امان قالادى. سپەكتاكل كورەي قىزىنىڭ تاريحتى بايانداۋى ارقىلى ءوربيدى. قازاقستان كورەيلەرىنىڭ قونىس اۋدارۋدان باستاپ بۇگىنگى كۇنگە دەيىنگى بۇكىل تاريحىن باستى كەيىپكەر-قىز تاريح بايانداپ بەرەدى. پلاستيكالىق شەشىمدە قويىلعان ەرەكشە بايانداۋ، جارقىن حورەوگرافيا، كەرەمەت ۆوكال، ەستە قالارلىق كەيىپكەرلەر جانە بارابانداردىڭ تاڭعاجايىپ ءدۇبىرى. قويىلىم وسىدان باستالادى… قيىن-قىستاۋ كەزەڭدە ۇلى دالادان پانا تاۋىپ، وركەندەپ-ونگەن كورەي ۇلتىنىڭ قازاق حالقىنا قاشاندا العىسى دا شەكسىز. ولار ءۇشىن قازاقستان ءوز وتاندارى، تۋعان جەرلەرى.