دارىگەرلەر جەدەل جاردەممەن جەتىپ، جانساقتاۋ بولىمىنە تۇسكەن ساياساتكەر رىسبەك سارسەنبايدىڭ جاعدايى تۇراقتالعانىن مالىمدەدى، دەپ حابارلايدى "ادىرنا" ۇلتتىق پورتالى.
«تالعار ورتالىق اۋداندىق اۋرۋحاناسىنىڭ اكىمشىلىگى الەۋمەتتىك جەلىدەگى جاريالانىمدارعا جاۋاپ رەتىندە رىسبەك سارسەنبايدىڭ 2024 جىلدىڭ 9 ناۋرىزىندا مەديتسينالىق كومەككە جۇگىنگەنىن راستايدى. ناۋقاس قان قىسىمىنىڭ جوعارىلاۋىنا بايلانىستى كومەككە جۇگىنگەن. دياگنوستيكالىق جانە ەمدەۋ حاتتاماسىنا سايكەس قاجەتتى مەديتسينالىق كومەك كورسەتىلدى. قان قىسىمى تۇراقتاندى. ناۋقاس جازىلىپ، امبۋلاتورلىق ەمدەۋگە جىبەرىلدى»، - دەلىنگەن تالعار ورتالىق اۋداندىق اۋرۋحاناسىنىڭ سەنبى كۇنى تاراتقان حابارلاماسىندا.
ەسكە سالا كەتەيىك، بۇعان دەيىن ساياساتكەر رىسبەك سارسەنبايدى پوليتسيا ۇستاپ الىپ، بولىمشەدە ونىڭ جاعدايى ناشارلاپ، جەدەل جاردەم الىپ كەتكەنىن حابارلاعان بولاتىنبىز. ساياساتكەر بىردەن جانساقتاۋ بولىمىنە جەتكىزىلگەن ەدى.
