ەكس-مينيستر قۋاندىق بيشىمباەۆ بۇگىن وتكەن سوت وتىرىسىندا كىناسىن مويىندامايتىنىن ايتىپ، سوتتى القابيلەردىڭ قاتىسۋىمەن وتكىزۋدى سۇرادى، دەپ حابارلايدى “ادىرنا” ۇلتتىق پورتالى.
ايەلى نۇكەنلۆانى ءولتىردى دەگەن كۇدىككە ىلىنگەن بيشىمباەۆ القا بيلەردىڭ، جۋرناليستەردىڭ قاتىسۋىمەن اشىق سوت وتكىزۋدى سۇرادى.
ايتا كەتەيىك،9 قاراشادا باق پەن Telegram-ارنالار بۇرىنعى ۇلتتىق ەكونوميكا ءمينيسترى قۋاندىق بيشىمباەۆ استانادا ايەلىن ۇرىپ ءولتىردى كۇدىكپەن ۇستالعانىن حابارلادى. استانا قالاسى پوليتسيا دەپارتامەنتى 9 قاراشادا ەلورداداعى مەيرامحانا قوناقتارىنىڭ اراسىندا جانجال شىعىپ، سالدارىنان ءبىر ايەلدىڭ قازا تاپقانىن راستادى.
ەلوردالىق پد كۇدىكتى قاماۋعا الىنىپ، تەرگەۋ امالدارى جۇرگىزىلىپ جاتقانىن مالىمدەگەن ەدى. قۋاندىق بيشىمباەۆتىڭ ۇستالعانىن 10 قاراشادا ىشكى ىستەر ءمينيسترىنىڭ ورىنباسارى سەرىك سارسەنوۆ راستادى. سونىمەن قاتار 10 قاراشادا استانادا ەكس-مينيستر قۋاندىق بيشىمباەۆ ۇستالعان ساتىندە ءتۇسىرىلدى دەگەن سۋرەت جەلىدە تاراعان. سونداي-اق ەكس-ءمينيستردىڭ ايەلى سالتانات نۇكەنوۆا پاۆلودار قالاسى ەكس-اكىمىنىڭ جيەنى ەكەنى راستالدى.
