نۇر-سۇلتان قالاسى اكىمىنىڭ ورىنباسارى ەرلان قاناليموۆ بۇگىن وكق بريفينگىندە استانا كۇنىن تويلاۋعا قاتىستى شىعىنداردىڭ قىسقارتىلاتىنى تۋرالى حابارلادى. 6 ماۋسىم كۇنى باس قالاعا 21 جىل تولادى.
جىل سايىن نۇر-سۇلتانداعى اتالمىش مەرەكە كۇنى 300-گە جۋىق ءىس-شارالار ۇيىمداستىرىلاتىن. بيىل ولاردىڭ سانى 100-گە دەيىن قىسقارتىلادى. مەرەكەلىك شارالاردىڭ 73-ءى تەگىن بولماق.
استانا كۇنىنە ارنالعان بيۋدجەت وڭتايلاندىرۋ ماقساتىندا ءۇش ەسەگە قىسقارتىلدى.
استانالىقتار قازاقستان جانە رەسەي ارتىستەرى اشىق اسپان استىندا ونەر كورسەتەتىن Open Air مەن الاڭدارداعى جاپپاي سەرۋەندەردى كورمەيدى. ولاردىڭ شىعىنى كوپ دەپ ەسەپتەلدى.
مەرەكە كەزىندە ادامداردىڭ جاپپاي جينالۋى بولمايدى.
مەيرامدى تويلاۋدىڭ ەڭ نەگىزگى ورىندارى - ساياباقتار مەن ەسىل وزەنىنىڭ جاعالاۋى بولىپ تابىلادى. .
