74 جاسقا قاراعان شاعىندا جازۋشى جۇماباي شاشتايۇلى ومىردەن ءوتتى، دەپ حابارلايدى "ادىرنا" ءتىلشىسى.
جۇماباي شاشتايۇلى 1950 جىلى الماتى وبلىسىندا تۋعان.
جازۋشىنىڭ ءولىمى تۋرالى قارالى حاباردى ءماجىلىس دەپۋتاتى جاناربەك ءاشىمجان جازدى. دەپۋتات الەۋمەتتىك جەلىدەگى جازباسىندا:
"قاسيەتتى ورازانىڭ ەكىنشى كۇنى قازاقتىڭ ءبىرتۋار قالامگەرى، اسىل اعامىز جۇماباي شاشتايۇلى جاراتقاننىڭ قۇزىرىنا قايتىپتى… وكىنىشتى… ءسوز جوق… بىرنەشە بۋىنعا ۇستاز بولعان، ادال ءھام تاپ-تازا قالپىنان اينىماي، سوڭىنان ءبىر اۋىز بوتەن ءسوز ىلەستىرمەگەن ءسابي بولمىستى جۇماعاڭ تۋرالى ايتار جاقسى اڭگىمە كوپ. جاقسىلار شەتىنەن كەتىپ جاتىر… ءسىزدى ساعىناتىن بولدىق…" – دەپ جازدى ول.
جۇماباي شاشتايۇلى قىزمەت جولىن "كوممۋنيزم جولى" گازەتىندە باستاپ، كەيىننەن رەسپۋبليكالىق "لەنينشىل جاس", "سوتسياليستىك قازاقستان" گازەتتەرىندە، "جالىن" جۋرنالىندا جۇمىس ىستەدى.
جازۋشى 2002 جىلدان قازاق راديوسىنىڭ باس رەداكتورى بولدى.
جۇماباي شاشتايۇلىنىڭ "قيادا" اتتى العاشقى پوۆەسى "تاڭ نۇرى" اتتى ۇجىمدىق جيناققا ەنگەن. ال 1984 جىلى شىققان "قىزىل قار" اتتى تۇڭعىش جيناعى سول جىلدارى ساياسي باسشىلىق تاراپىنان قاتال سىنعا دا ىلىكتى.
ودان بولەك جازۋشىنىڭ "جالا مەن نالا", "جىر جولبارىس", ء"بىزدىڭ زاماننىڭ اياز ءبيى", "جاڭعىرىق" رومانى سىندى ەڭبەكتەرى بار.
جۇماباي شاشتايۇلىنىڭ قوناقاسى بۇگىن، 12 ناۋرىزدا جامبىل مۋزەيى اۋىلىنداعى ۇيىندە، كەشكى اۋىزاشارمەن بىرگە وتەدى.
جانازاسى 13 ناۋرىز كۇنى وسى اۋىلدان ساعات 10:00-جە شىعارىلادى.
