جۇگىرۋدەن قازاقستاندىق سپورتشى كەرولاين چەپكوەچ كيپكيرۋي جەڭىل اتلەتيكادان تاۋەلسىز دوپينگكە قارسى ۇيىمعا (AIU) ءوزىنىڭ كىناسىز ەكەنىن دالەلدەي المادى، - دەپ حابارلايدى “ادىرنا” ۇلتتىق پورتالى Tengri Sport-قا سىلتەپ.
2021 جىلى قازاقستان ازاماتتىعىن العان كەنيا تۋماسى 2023 جىلدىڭ قاراشاسىنان باستاپ بارلىق ناتيجەلەردى الىپ تاستاپ، ەكى جىلعا ديسكۆاليفيكاتسيالاندى.
AIU سايتىندا دوپينگكە قارسى حالىقارالىق ەرەجەلەردىڭ 2.4 تارماعىن ساقتاماۋ – سپورتشىنىڭ جارىستان تىس تەستىلەۋگە قاتىسۋىنا قاتىستى تالاپتاردى بۇزۋ كورسەتىلگەن.
ەرەجەگە سايكەس، كاسىپقوي سپورتشىلار ايۋ تالابى بويىنشا ءبىر ۋاقىتتا قايدا بولاتىنىن ارنايى جۇيەدە كورسەتۋگە مىندەتتى. ەگەر سپورتشى ۋاقىتتى كورسەتپەي ءۇش رەت ۇستالسا، وعان ۋاقىتشا تىيىم سالىنادى.
وسىدان كەيىن جارىستان شەتتەتىلگەن ادامنىڭ ءوزىن اقتاۋعا مۇمكىندىگى بار: ول سپورتشىنىڭ فورس-ماجورلىق جاعدايعا بايلانىستى بەلگى جاساي الماعانىن دالەلدەۋگە مىندەتتى. وسىدان كەيىن عانا ديسكۆاليفيكاتسيا تاعايىندالادى.
ايتا كەتەيىك، كەرولاين 2018 جىلى ارالاس ايەلدەر اراسىندا 5 شاقىرىمدىق جارىستا الەمدىك رەكورد ورناتسا، 2022 جىلعى ازيا ويىندارىندا قازاقستانعا 5 شاقىرىم جانە 10 شاقىرىمدىق جارىستا ەكى قولا مەدال اكەلگەن بولاتىن.
بۇعان دەيىن وليمپيادا چەمپيونى ولگا رىپاكوۆا قازاقستانعا وليمپيادا جۇلدەسىن اكەلەتىن جەڭىل اتلەتيكا وكىلدەرىن اتاعان بولاتىن.
قازاقستاندىق بوكسشى ءساماتالى تولتاەۆ دوپينگ داۋى شىعىپ، ۇلتتىق قۇرامادان شەتتەتىلگەننەن كەيىن كاسىپقوي رينگتەگى العاشقى جەكپە-جەگىن وتكىزدى.
