Júgirýden qazaqstandyq sportshy Kerolaın Chepkoech Kıpkırýı jeńil atletıkadan táýelsiz dopıngke qarsy uıymǵa (AIU) óziniń kinásiz ekenin dáleldeı almady, - dep habarlaıdy “Adyrna” ulttyq portaly Tengri Sport-qa siltep.
2021 jyly Qazaqstan azamattyǵyn alǵan Kenııa týmasy 2023 jyldyń qarashasynan bastap barlyq nátıjelerdi alyp tastap, eki jylǵa dıskvalıfıkaııalandy.
AIU saıtynda dopıngke qarsy halyqaralyq erejelerdiń 2.4 tarmaǵyn saqtamaý – sportshynyń jarystan tys testileýge qatysýyna qatysty talaptardy buzý kórsetilgen.
Erejege sáıkes, kásipqoı sportshylar AIÝ talaby boıynsha bir ýaqytta qaıda bolatynyn arnaıy júıede kórsetýge mindetti. Eger sportshy ýaqytty kórsetpeı úsh ret ustalsa, oǵan ýaqytsha tyıym salynady.
Osydan keıin jarystan shettetilgen adamnyń ózin aqtaýǵa múmkindigi bar: ol sportshynyń fors-majorlyq jaǵdaıǵa baılanysty belgi jasaı almaǵanyn dáleldeýge mindetti. Osydan keıin ǵana dıskvalıfıkaııa taǵaıyndalady.
Aıta keteıik, Kerolaın 2018 jyly aralas áıelder arasynda 5 shaqyrymdyq jarysta álemdik rekord ornatsa, 2022 jylǵy Azııa oıyndarynda Qazaqstanǵa 5 shaqyrym jáne 10 shaqyrymdyq jarysta eki qola medal ákelgen bolatyn.
Buǵan deıin Olımpıada chempıony Olga Rypakova Qazaqstanǵa Olımpıada júldesin ákeletin jeńil atletıka ókilderin ataǵan bolatyn.
Qazaqstandyq boksshy Samatáli Tóltaev dopıng daýy shyǵyp, ulttyq quramadan shettetilgennen keıin kásipqoı rıngtegi alǵashqy jekpe-jegin ótkizdi.
