«Best Road Investment» قارجى پيراميداسىنىڭ باسشىلارى مەن مەنەدجەرى سوتتالدى. بۇل تۋرالى استانا قالاسىنىڭ پروكۋراتۋراسى ايتتى، دەپ حابارلايدى «ادىرنا» ءتىلشىسى.
سوتتا مەملەكەتتىك ايىپتاۋشى قارجى پيراميداسىنىڭ ەكى ۇيىمداستىرۋشىسى مەن مەنەدجەرىنىڭ كىناسىن دالەلدەدى.
«قارجى پيراميدانىڭ شارتىنا سايكەس، «Shanyrak Plus» باعدارلاماسى بويىنشا تۇرعىن ءۇي الۋ ءۇشىن 103 اقش دوللارىن سالۋ كەرەك. ودان كەيىن ارتىنان ەكى سالىمشىنى تارتىپ، ارقايسىسى ءوسۋ تارتىبىمەن تاعى ەكى سالىمشى شاقىرۋى ءتيىس بولعان. كومپانيا 2020 جىلدىڭ قازانىنان باستاپ 2021 جىلدىڭ 31 جەلتوقسانىنا دەيىن «Shanyrak Plus» باعدارلاماسى بويىنشا 45 سالىمشىنىڭ ەشقايسىسى قاجەتتى تابىسىن، سونداي-اق تۇرعىن ءۇي الماعان»، - دەلىنگەن حابارلامادا.
پروكۋراتۋرانىڭ مالىمدەۋىنشە، جالپى زالال سوماسى 107 ملن تەڭگەدەن استام سومانى قۇرايدى.
سوت ۇكىمىمەن 7 جىلعا دەيىن كوممەرتسيالىق جانە كوممەرتسيالىق ەمەس ۇيىمداردا باسشىلىق قىزمەتتەردى اتقارۋ قۇقىعىنان ايىرا وتىرىپ، ۇيىمداستىرۋشىلاردىڭ ارقايسىسى 6 جىلعا، سىبايلاسى 5 جىل 6 ايعا باس بوستاندىعىنان ايىرۋ جازاسىنا سوتتالدى. كەلتىرىلگەن شىعىن سوتتالعانداردان ءوندىرىلدى.
