«Best Road Investment» qarjy piramidasynyŋ basşylary men menedjerı sottaldy. Būl turaly Astana qalasynyŋ prokuraturasy aitty, dep habarlaidy «Adyrna» tılşısı.
Sotta memlekettık aiyptauşy qarjy piramidasynyŋ ekı ūiymdastyruşysy men menedjerınıŋ kınäsın däleldedı.
«Qarjy piramidanyŋ şartyna säikes, «Shanyrak Plus» baǧdarlamasy boiynşa tūrǧyn üi alu üşın 103 AQŞ dollaryn salu kerek. Odan keiın artynan ekı salymşyny tartyp, ärqaisysy ösu tärtıbımen taǧy ekı salymşy şaqyruy tiıs bolǧan. kompaniia 2020 jyldyŋ qazanynan bastap 2021 jyldyŋ 31 jeltoqsanyna deiın «Shanyrak Plus» baǧdarlamasy boiynşa 45 salymşynyŋ eşqaisysy qajettı tabysyn, sondai-aq tūrǧyn üi almaǧan», - delıngen habarlamada.
Prokuraturanyŋ mälımdeuınşe, jalpy zalal somasy 107 mln teŋgeden astam somany qūraidy.
Sot ükımımen 7 jylǧa deiın kommersiialyq jäne kommersiialyq emes ūiymdarda basşylyq qyzmetterdı atqaru qūqyǧynan aiyra otyryp, ūiymdastyruşylardyŋ ärqaisysy 6 jylǧa, sybailasy 5 jyl 6 aiǧa bas bostandyǧynan aiyru jazasyna sottaldy. Keltırılgen şyǧyn sottalǧandardan öndırıldı.
