ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆ تۇرمەدە جازاسىن وتەپ جاتىر. بۇل تۋرالى ىشكى ىستەر ءمينيسترى ەرجان سادەنوۆ ايتتى، دەپ حابارلادى “ادىرنا” ۇلتتىق پورتالى.
ءماجىلىس كۋلۋارىندا جۋرناليستەر مينيسترگە «كارىم ءماسىموۆ جازاسىن قايدا وتەپ جاتىر؟ ول ەمىن-ەركىن ءبىر ءىس-شارادا ءجۇر دەگەن اقپارات بار. بۇل مالىمەت راس پا؟ ول قايدا، جازاسىن قالاي وتەپ جاتىر؟ نەگە ۆيدەو، فوتو جوق؟» دەگەن سۇراق قويدى.
ال ەرجان سادەنوۆ ءماسىموۆتىڭ تۇرمەدە جازاسىن وتەپ جاتقانىن اتاپ ءوتتى.
«ول سوتتالعان، تۇزەتۋ مەكەمەسىندە جازاسىن وتەپ جاتىر. ونى (كارىم ءماسىموۆتى – اۆت.) نەگە كورسەتۋىمىز كەرەك؟ كولونياعا كىرۋدىڭ ءوز ءراسىمى بار. ادام قۇقىعىنا قاتىستى بيۋرو بار»، - دەدى مينيستر.
ايتا كەتەيىك، 2023 جىلعى 23 ساۋىردە ۇقك بۇرىنعى توراعاسى كارىم ءماسىموۆ 18 جىلعا سوتتالعان ەدى. ونىڭ مۇلكى تاركىلەنىپ، ءومىر بويى مەملەكەتتىك قىزمەتپەن اينالىسۋىنا تىيىم سالىندى.
