”كروكۋستا” بولعان قاندى شابۋىلدىڭ سەگىزىنشى كۇدىكتىسى سوتقا جەتكىزىلدى، دەپ حابارلايدى "ادىرنا" ءتىلشىسى.
سەگىزىنشى كۇدىكتى - قىرعىزستان ازاماتى الىشەر قاسىموۆ.
كۇدىكتى تەرگەۋ بارىسىندا لاڭكەستىك قيمىلدان بەيحابار بولعانىن ايتادى. سونداي-اق ول ۇستالعان كۇدىكتىلەرگە پاتەردى جالعا بەرگەنىن ايتقان.
قىرعىزستان ازاماتى لاڭكەستەرمەن تەك پاتەر وتكىزەتىن “اۆيتو” قىزمەتى ارقىلى عانا بايلانىستا بولعانىن ايتادى.
ماسكەۋدىڭ باسمانسكي سوتىنا "كروكۋس سيتي حولل” كونتسەرتتىك كەشەنىندە تەرروريستىك اكت جاساۋعا ارالاستى دەگەن كۇدىكپەن تاعى ءۇش كۇدىكتى جەتكىزىلدى. قازىر ولاردىڭ سوتى جابىق رەجيمدە وتەدى.
ماسكەۋدە بولعان قاندى شابۋىل تمد ەلدەرىندەگى سوڭعى جىلدارداعى ەڭ ءىرى تەراكتىلەردىڭ ءبىرى بولدى. قازا تاپقاندار سانى جۇزدەن اسىپ كەتتى.
