توتەنشە جاعداي كەزىندە ەۆاكۋاتسيالانعان ارقالىق تۇرعىندارى قۇتقارۋشىلاردىڭ ات ءۇستى جۇمىس مەن اكىمنىڭ حالىقپەن قارىم-قاتىناسىنا نارازى، دەپ حابارلايدى "ادىرنا" پورتالى. ۆيدەو الەۋمەتتىك جەلىدە تارادى.
"ارايلى ارقالىق" پاراقشاسىندا قوستاناي وبلىسى، ارقالىق اۋدانىنا قاراستى قىزىلجۇلدىز اۋىلىنىڭ تۇرعىندارى قۇتقارۋشىلاردىڭ سالعىرت ارەكەتىنە جانە اكىمنىڭ سوزىنە قاپالانعاندارىن ايتتى:
"تجد كولىگى كەلدى دە مال قۇساتىپ ءبىزدى اكەپ تاستاي سالدى. بالا-شاعامىزدىڭ كيىمىنە، حالىقتىڭ جاعدايىنا قاراعان جوق. اكەلدى دە تاستاي سالدى. ارى قاراي قايدا، قالاي جەتەتىنىمىز قىزىق ەمەس. مال قۇساتىپ تاسىپ اكەلە سالدى. اكىمگە "سۋ باسىپ جاتىر" دەپ حابارلاسساق، "لاقپاي جايىڭا وتىر" دەگەن جاۋاپ الدىق. اكىم دەگەن حالىقتىڭ ادامى ەمەس پە؟ بىزگە باسۋ ايتىپ، بىزبەن بىرگە بولۋدىڭ ورنىنا ەشقانداي سۋبارنديناتسيا جوق، قالاي بولسا سولاي سويلەستى. اكىم سولاي سويلەپ وتىرعاندا ءبىز كىمنەن پانا سۇرايمىز؟" دەپ اشۋلاندى تۇرعىندار.
ەستەرىڭىزگە سالا كەتەيىك، بۇعان دەيىن قوستاناي وبلىسىنىڭ ازاماتتارى ءوز كۇشتەرىمەن جاساعان سۋ بوگەنىنىڭ جەلگە شىداماي قۇلاپ، جانگەلدين اۋدانى، بايتۇرسىن اۋىلدارىن سۋ باسىپ جاتقانىن ايتىپ، كومەك سۇراعان بولاتىن.
پوسموترەت ەتۋ پۋبليكاتسيۋ ۆ Instagram
