قازاقستان بانكتەرى سۋ تاسقىنىندا زارداپ شەككەندەرگە كومەك كورسەتپەك، دەپ حابارلايدى "ادىرنا" ءتىلشىسى Caravan.kz-كە سىلتەپ.
بۇل تۋرالى قازاقستان قارجىگەرلەر قاۋىمداستىعى حابارلاعان.
«ەكىنشى دەڭگەيلى بانكتەر سۋ تاسقىنى سالدارىن جويۋعا جانە توتەنشە جاعدايدان زارداپ شەككەن تۇرعىندارعا، سونداي-اق كاسىپكەرلەرگە قولداۋ كورسەتۋگە ارنالعان شۇعىل شارالاردى قولدايدى»، — دەلىنگەن حابارلامادا.
وتاندىق بانكتەر 1 ساۋىردەن باستاپ 30 ماۋسىمعا دەيىن جەرگىلىكتى اتقارۋشى ورگانداردىڭ ءتىزىمى بويىنشا سۋ تاسقىنىنان زارداپ شەككەندەر قاتارىنا ەنگەن قارىز الۋشىلاردىڭ كرەديتتى وتەۋ مەرزىمىن ۇزارتپاق. ودان بولەك قارجىلىق جاعدايى ناشارلاعان قارىز الۋشىلارعا تولەمدى ۋاقتىلى تولەمەگەنى ءۇشىن ايىپپۇل مەن ءوسىمپۇل ەسەپتەلمەيتىنى ايتىلدى.
