قازاقستان قارۋلى كۇشتەرىنىڭ مەملەكەتتىك اسكەري-تاريحي مۋزەيى تۇڭعىش پرەزيدەنت نۇرسۇلتان نازارباەۆتىڭ بالاۋىز ءمۇسىنىن الىپ تاستاعان، دەپ حابارلايدى "ادىرنا" ءتىلشىسى Tengrinews.kz-كە سىلتەپ.
ءمۇسىن التى جىل بۇرىن ەلورداداعى مۋزەيگە ورناتىلعان.
مۋزەي اكىمشىلىگى كورمە زالىندا كەڭەس وداعىنىڭ باتىرى ساعادات نۇرماعامبەتوۆتىڭ تۋعانىنا 100 جىل تولۋىنا بايلانىستى رەەكسپوزيتسيا بويىنشا جۇمىستار جۇرگىزىلىپتى.
"2024 جىلى قازاقستاننىڭ تۇڭعىش قورعانىس ءمينيسترى، كەڭەس وداعىنىڭ باتىرى، حالىق قاھارمانى، ارميا گەنەرالى ساعادات نۇرماعامبەتوۆتىڭ تۋعانىنا 100 جىل تولۋىنا وراي "قازاقستان رەسپۋبليكاسىنىڭ قارۋلى كۇشتەرى" كورمە زالىندا ساعادات قوجاحمەتۇلىنىڭ ءومىرى مەن اسكەري قىزمەتىن تولىق قامتۋ ماقساتىندا رەەكسپوزيتسيا وتكىزىلدى", - دەلىنگەن اكىمشىلىك حابارلاماسىندا.
