3-ءساۋىر كۇنى قالا اكىمى عابيت سىزدىقبەكوۆ قىتاي حالىق رەسپۋبليكاسىنىڭ چاندجي-حۋەي اۆتونومدى وكرۋگ گۋبەرناتورىنىڭ ورىنباسارى سۋ سياولي حانىم باستاعان دەلەگاتسيا وكىلدەرىمەن كەزدەستى. كەزدەسۋ بارىسىندا ەكىجاقتى ىنتىماقتاستىق، ءوزارا ساۋدا-ەكونوميكالىق بايلانىس، الەۋەتتى ينۆەستيتسيالىق جوبالار تالقىلاندى.
ەكى جاقتى قارىم-قاتىناستاردى نىعايتۋ ماقساتىنداعى كەشەندى شارالار «KIT» بيزنەس قاۋىمداستىعىنىڭ ۇيىمداستىرۋىمەن وتكەن فورۋممەن جالعاستى. B2B فورماتىنداعى جيىندا جەرگىلىكتى كاسىپكەرلەر تاماق ونىمدەرى مەن پوليەفير ماتەريالدارىن وندىرەتىن جەڭىل ونەركاسىپ باعىتىنداعى قىتايلىق كومپانيالاردىڭ وكىلدەرىمەن اقپارات الماستى. بيزنەس وكىلدەرىنە تاۋارلارىن شەت ەلگە ەكسپورتتاۋ، باسقا دا سەرىكتەس كومپانيالارمەن قارىم-قاتىناس ورناتۋ مۇمكىندىكتەرى ۇسىنىلدى.
قىتايلىق 35 كومپانيانىڭ وكىلدەرى قاتىسقان جيىننىڭ قورىتىندىسىندا شىمكەنت كالاسى اكىمىنىن ورىنباسارى ا. كارىموۆ، قىتاي حالىق رەسپۋبليكاسى شۇار چانتسزي-حۋەي اۆتونوميالىق اۋدانى گۋبەرناتورىنىڭ ورىنباسارى سۋ سياولي، قىتاي حالىق رەسپۋبليكاسىنىڭ چانتسزي-حۋەي اۆتونوميالىق اۋدانى ساۋدا باسقارماسىنىڭ پارتيالىق توبىنىڭ حاتشىسى چەن سياوفەن كوممەرتسيالىق قۇجاتتارعا قول قويۋ راسىمىنە كۋا بولدى.
ايتا كەتەيىك، بىلتىر شىمكەنت پەن قىتاي اراسىنداعى تاۋاراينالىم 291,7 ملن اقش دوللارىن قۇرادى. قازىر قالا اۋماعىندا قىتايلىق ينۆەستورلاردىڭ قاتىسۋىمەن 3 ينۆەستيتسيالىق جوبا جۇزەگە اسىرىلعان. سونىمەن قاتار، 60 ميلليون اقش دوللارىن قۇرايتىن تاعى ءبىر ينۆەستيتسيالىق جوبا قولعا الىنۋدا. «جۇلدىز» يندۋستريالىق ايماعىندا «Wan Sheng Ceramic» جشس-ءنىڭ كەراميكالىق تاقتاشالار وندىرەتىن زاۋىتى 350 جۇمىس ورنىن اشۋعا مۇمكىندىك بەرەدى. بۇگىنگى تاڭدا نىساننىڭ قۇرىلىس-مونتاج جۇمىستارىنىڭ 70 پايىزى ورىندالعان.
شىمكەنت قالاسى اكىمىنىڭ ءباسپاسوز قىزمەتى
