پرەمەر-ءمينيستردىڭ جاڭا ورىنباسارى اتىراۋ وبلىسىنان ونلاين بريفينگ وتكىزدى، دەپ حابارلايدى "ادىرنا" ءتىلشىسى.
قانات بوزىمباەۆ وڭىردەگى احۋال جايلى باياندادى.
«جايىق وزەنى دەڭگەيىنىڭ كوتەرىلۋنە بايلانىستى، اقتوبە وبلىسىنان ەلەك وزەنىنىڭ سۋىن ەسەپتەگەندە، وعان قوسا يريكلي (رەسەي) سۋ قويماسىنان كوبىرەك سۋدىڭ كەلۋىنە بايلانىستى وڭىردە ءالى دە سۋ تاسقىنى قاۋپى جوعارى. بۇل ەداۋىر ۇلكەن تاۋەكەلدەر. مەن اكىمدىك پەن جەرگىلىكتى اتقارۋشى ورگاندارعا جايىق وزەنىندە سۋدىڭ تاسۋىنا بايلانىستى بولجاۋ جۇمىستارىن ەكى كۇن ىشىندە ازىرلەۋدى تاپسىردىم. ءبىز جايىق وزەنىنىڭ دەڭگەيى ەداۋىر كوتەرىلەدى دەپ كۇتىپ وتىرمىز. رەسەي شەكاراسىنان سۋدىڭ جەتۋى شامامەن ادەتتە 20-25 كۇندە كەلەتىن. بىراق بۇل جولى 15-20 كۇننىڭ ىشىندە جەتۋى مۇمكىن»، - دەيدى بوزىمباەۆ.
ۇكىمەت باسشىسى ولجاس بەكتەنوۆ سۋ تاسقىنى بولعان وڭىرلەردە اۋىز سۋدىڭ ساپاسى مەن ەپيزووتيالىق جاعدايعا باقىلاۋدى كۇشەيتۋدى تاپسىردى.
- دەنساۋلىق ساقتاۋ مينيسترلىگى سۋ باسقان ايماقتارداعى سانيتاريالىق-ەپيدەميولوگيالىق جاعدايدى، اتاپ ايتقاندا، اۋىز سۋدىڭ ساپاسىن باقىلاۋدى كۇشەيتۋى كەرەك;
- اۋىل شارۋاشىلىعى مينيسترلىگى ەپيزووتيالىق جاعدايدىڭ ناشارلاۋىنا جول بەرمەي، ءۇي جانە جابايى جانۋارلارعا قاجەتتى ۆەتەريناريالىق باقىلاۋدى قامتاماسىز ەتۋگە ءتيىس;
- ىشكى ىستەر مينيسترلىگى ەۆاكۋاتسيالانعان حالىقتىڭ مۇلكىنىڭ ساقتالۋىن قامتاماسىز ەتۋ جونىندە شارالار قابىلداۋى قاجەت;
- اكىمدىكتەر ەۆاكۋاتسيالىق پۋنكتتەردەگى حالىقتى قاجەتتى زاتتاردىڭ بارلىعىمەن قامتاماسىز ەتىپ، سونداي-اق قالپىنا كەلتىرۋ جۇمىستارى كەزەڭىندە ولاردى ۋاقىتشا ورنالاستىرۋ ماسەلەسىن پىسىقتاۋى قاجەت.
