اقتوبەدە مۇز ارالاس سۋدىڭ قۇرساۋىندا قالىپ قويعان كوپبالالى وتباسى قۇتقارىلدى، دەپ حابارلايدى "ادىرنا" ءتىلشىسى turkۋstan.kz-كە سىلتەپ.
اقتوبە وبلىسى ويىل اۋدانىنا قاراستى سارالجىن اۋىلدىق وكرۋگىندە ۋچاسكەلىك پوليتسەي بولىپ جۇمىس ىستەيتىن ەسبولات ءادىلحانوۆ باستاعان ءبىر توپ جىگىت 28-ناۋرىزدا تۇنگى ساعات 02:30-دا قوبدا-ويىل باعىتىنداعى تاس جولدا قالعان كوپبالالى وتباسىنى سۋ ورتاسىنان قۇتقارعان.
كوپبالالى اتا-انا سۋ ورتاسىندا كولىك ىشىندە قالىپ قويعان. وتاعاسى جالعاس قوبدا-ويىل باعىتىندا بولعان.
"27-ىنەن 28-ىنە قاراعان تۇندە قوبدا-ويىل باعىتىنداعى جولدا، كەمەر اۋىلدىق وكرۋگىنىڭ تۇسىندا سەڭدى سۋ تاسقىنىنا تاپ بولدىق. جولدا سۋ دەڭگەيى كەنەتتەن كوتەرىلگەندىكتەن، كەرى بۇرىلىپ ۇلگەرمەي قالدىم. ءسويتىپ، بالا-شاعامىزبەن كولىكتىڭ ىشىندە سۋدىڭ قۇرساۋىندا قالىپ قويدىق. سوسىن كەمەر اۋىلدىق وكرۋگىندەگى ەركىن دەگەن اعامىزعا حابارلاسىپ، كومەك سۇراعان ەدىم. اۋىلعا كومەكتەسىپ جۇرگەن ءبىر توپ جىگىت سارالجىن اۋىلدىق وكرۋگىنىڭ ۋچاسكەلىك پوليتسەيى ەسبولات ءادىلحانوۆتىڭ باۋىرىمىزدىڭ قىزمەتتىك كولىگىنە ءمىنىپ، ءبىزدى قۇتقارۋعا كەلدى", – دەيدى جالعاس.
كوپبالالى وتباسىنى قۇتقارۋ جۇمىسى 1 ساعاتقا جالعاسقان.
"ويلانىپ تۇراتىن ۋاقىت بولعان جوق. قالاي دا ءبىر وتباسىنى امان الىپ قالۋ كەرەك ەدى. تاۋەكەلگە بەل بايلادىق. ومىرلەرىن تاۋەكەلگە تىككەن كەمەر اۋىلىنىڭ ازاماتتارىنا العىس ايتامىن", – دەيدى قۇتقارعان ۋچاسكەلىك پوليتسەي.
قازىر جالعاس بالا-شاعاسىمەن بىرگە كەمەر اۋىلىنا تۇراقتاعان.
