سولتۇستىك قازاقستان وبلىسىنىڭ اكىمى حالىققا ۇندەۋ جاسادى، دەپ حابارلايدى "ادىرنا" ءتىلشىسى Stan.kz-كە سىلتەپ.
عاۋەز نۇرمۇحامبەتتىڭ ايتۋىنشا ايماقتاعى احۋال ءالى دە كۇردەلى.
“وڭىردە سۋ تاسقىنى جاعدايى كۇردەلى. وبلىس ورتالىعىنا ۇلكەن سۋ كەلە جاتىر. بىرىنشى كەزەكتە ەرىگەن سۋدى ەلدىمەكەندەرگە جەتكىزبەي بۇرۋعا تىرىسىپ جاتىر. قازىر ەسىل وزەنىمەن ۇلكەن سۋ كەلە جاتىر.
سەرگەەۆ سۋ قويماسىندا تولىپ كەتۋدىڭ ابسوليۋت رەكوردى – 4 مەتر 25 سانتيمەتر تىركەلگەنى انىقتالدى.
"ۇلكەن سۋ ەسىل وزەنى بويىنداعى ەلدىمەكەندەرگە قاۋىپ توندىرەدى. شامامەن ءبىر-ەكى كۇننەن كەيىن سۋ وبلىس ورتالىعىنا جەتەدى. پريبرەجنوە جانە تەپليچنوە اۋىلدارىن، زارەچنىي كەنتىن سۋ باسۋ قاۋپى ءتونىپ تۇر. پەتروپاۆلعا قاراي ۇلكەن سۋ اعىنى كەلە جاتىر. تاعى دا قايتالاپ ايتامىن، ۇلكەن! پرەمەر-ءمينيستردىڭ ءبىرىنشى ورىنباسارى رومان ۆاسيلەۆيچ سكلياردىڭ تاپسىرماسى بويىنشا ۇيلەرى سۋ باسۋ ايماعىندا ورنالاسقان زارەچنىي كەنتىنىڭ تۇرعىندارىن ەۆاكۋاتسيالاپ جاتىرمىز. تۇرعىنداردان تۇسىنىستىكپەن قاراۋدى جانە سۋ تاسقىنى كەزەڭىندەگى تالاپتارعا بەي-جاي بولماۋدى سۇرايمىن", – دەدى اكىم.
ودان بولەك وبلىس اكىمى قيىندىقتا كومەك قولىن سوزعاندارعا العىس ايتتى.
"بيىلعى سۋ تاسقىنى ءبارىمىز ءۇشىن ۇلكەن سىناق بولىپ وتىر. بىرلىكتىڭ ارقاسىندا ءبىز بارلىق قيىندىقتى جەڭەمىز. قازىر ۇلكەن سۋمەن كۇرەسكە ءۇش مىڭنان استام ادام جۇمىلدىرىلدى. ولار – مەردىگەر ۇيىمدار، قۇرىلىس كومپانيالارى، كاسىپكەرلەر، مەملەكەتتىك قىزمەتكەرلەر، قۇتقارۋشىلار، كوممۋنالدىق قىزمەتتەر، پوليتسەيلەر، ەرىكتىلەر جانە ءبىزدىڭ قالا مەن اۋدانداردىڭ قاراپايىم تۇرعىندارى. كومەككە باسقا ايماقتاردان قۇتقارۋ قىزمەتتەرى، ۇلتتىق ۇلان مەن قورعانىس مينيسترلىگىنىڭ قىزمەتكەرلەرى كەلدى. مەن وسى قيىن كەزەڭدەگى كومەگى ءۇشىن بارلىعىنا ريزامىن. ادامي تۇرعىدا العىس ايتامىن.
الدا ۇلكەن سىناق كۇتىپ تۇر. ەڭ باستىسى – سابىرلى بولۋ جانە ءبىر-بىرىمىزگە كومەكتەسۋ. سۋ تاسقىنى اۋقىمىن ەلەمەۋگە بولمايدى. جاقىندارىڭىزدى ويلاڭىز. ەگەر ءسىزدىڭ ءۇيىڭىز نەمەسە ساياجايىڭىز سۋ باسۋ ايماعىندا بولسا، قاۋىپسىز جەرگە كوشىڭىز. ادام ومىرىنەن قىمبات ەشتەڭە جوق. ساق بولىڭىز. ءبىز ءبارىمىز جاقسىدان ءۇمىتتىمىز، بىراق ەڭ ناشار جاعدايعا دايىن بولۋ كەرەكپىز. تۇرعىندارىمىزدىڭ قاۋىپسىزدىگىن قامتاماسىز ەتۋ جانە سۋ تاسقىنىنىڭ سالدارىن بارىنشا ازايتۋ ءۇشىن بار كۇشىمىزدى سالامىز. بارلىعىمىزعا شىدام پەن ساتتىلىك تىلەيمىز", – دەدى عاۋەز نۇرمۇحامبەت.
