وڭتۇستىك كورەيادا جۇمىس ىستەپ جۇرگەن قازاقستان ازاماتى قازا تاپتى، دەپ حابارلايدى "ادىرنا" ءتىلشىسى قازاقپاراتقا سىلتەپ.
30 جاستاعى قازاقستاندىق اعىندى سۋدى تازارتۋ كەزىندە مەرت بولعانى انىقتالعان. الدىن الا مالىمەتتەر بويىنشا، ونى توق سوققان.
قايعىلى وقيعا 2024 جىلدىڭ 8 ساۋىرىندە تۇستەن كەيىن بولعان. ازامات چوندجۋ قالاسىنداعى شىنى زاۋىتىندا تازارتۋ قوندىرعىسىن تازارتۋشى بولعان.
قازىر جەرگىلىكتى پوليتسيا مەن ەڭبەك جانە جۇمىسپەن قامتۋ مينيسترلىگى تەرگەۋ جۇرگىزۋدە. ال ەلىمىزدىڭ سىرتقى ىستەر مينيسترلىگى قازاقستاندىقتىڭ وڭتۇستىك كورەياداعى زاۋىتتا قايتىس بولعانىن راستادى.
«وندىرىستە قازا تاپتى، قازىر تۋىستارىمەن بايلانىسىپ، قاجەتتى قۇجاتتاردى راسىمدەپ جاتىرمىز»، – دەدى ءسىم رەسمي وكىلى ايبەك سمادياروۆ.
