قازاقستاندىق سپورتشىلار Instagram پاراقشالارىندا 8 ساۋىردە مەگاپوليستە باستالعان «الماتى – ءبىزدىڭ ورتاق ءۇيىمىز» ناۋقانىنا قاتىسۋعا كوپشىلىكتى بەلسەندى تۇردە شاقىرۋدا.
ولاردىڭ قاتارىندا بوكسشى، ەكى دۇركىن الەم چەمپيونى نازىم قىزايباي، جۇزۋدەن وليمپيادا چەمپيونى دميتري بالاندين، بوكستان وليمپيادا چەمپيونى ەرماحان يبرايموۆ، پاۋەرليفتينگتەن الەم چەمپيونى يليا ماسلوۆ، ۋشۋ - ساننان دۇنيەجۇزىلىك جازعى ۋنيۆەرسيادا جۇلدەگەرى بەكسۇلتان قوسكەنوۆ، تاي بوكسىنان الەم چەمپيونى ميلانا كولچەنكو جانە تاعى باسقالار بار.
ولاردىڭ بارلىعى بەي-جاي قارامايتىن ازاماتتارعا سۇيىكتى الماتىنىڭ اۋماقتارىن جيناۋ، اباتتاندىرۋ جانە تازارتۋ جونىندەگى كوكتەمگى باستاماعا قوسىلۋ تۋرالى وتىنىشپەن جۇگىندى.
ەرماحان يبرايموۆ نيەتتەس ازاماتتاردى شەتتە قالماۋعا، سونداي-اق ورتاق يگى ىسكە ءوز ۇلەستەرىن قوسۋعا جانە بىرلەسكەن كۇش-جىگەرمەن قالانى تازا ءارى ادەمى ەتۋگە شاقىردى.
«سىزدەن «الماتى - ءبىزدىڭ ورتاق ءۇيىمىز» ناۋقانىنا قاتىسۋعا بەلسەندى قولداۋ كورسەتۋىڭىزدى سۇرايمىن! ەگەر ءاربىر الماتىلىق ءوز اۋلاسىن كوگالداندىرىپ، تازا ۇستاسا، الماتى قالاسى تازا بولادى. الماتى قالاسى گۇلدەنە بەرسىن!»، - دەدى ول.
نازىم قىزايباي ءوزىنىڭ بەينە جولداۋىندا تازالىق – دەنساۋلىق كەپىلى ەكەنىن اتاپ ءوتتى. ونى بارىنشا ساقتاۋ-ءاربىر قالا تۇرعىنىنىڭ مىندەتى.
يليا ماسلوۆ ءوزىنىڭ الەۋمەتتىك جەلىدەگى پاراقشاسىندا قالا سپورتشىلارىنىڭ اتىنان قالا تۇرعىندارىنا مەگاپوليستى قوقىستان تازارتۋعا ىقپال ەتەتىن بۇل جوبانى قولداۋدى ۇسىندى.
«مەنىڭ ويىمشا، سىزدەردىڭ ارقايسىلارىڭىز سىرتقا شىعىپ، ءۇي ماڭىنداعى اۋماقتى تازالاي الاسىز، سونداي-اق جاقىن ماڭداعى تاۋلى ايماقتارعا شاعىن ساياحات جاساي الاسىز. اينالانى تازا ۇستاۋدى وزگەدەن ەمەس، وزىمىزدەن باستايىق! قالانىڭ تازالىعىنا ارقايسىمىز ءوز ۇلەسىمىزدى قوسايىق!»، - دەدى ول.
دميتري بالاندين «الماتى - ءبىزدىڭ ورتاق ءۇيىمىز» اكتسياسى اياسىندا كوپتەگەن اعاشتار وتىرعىزىلعانىن، جالپىقالالىق سەنبىلىكتەر ۇيىمداستىرىلعانىن، قوعامدىق ورىندار تازالانىپ، اباتتاندىرىلعانىن ەسكە سالدى.
«ءسىز بۇل جوباعا ءوز اۋلاڭىزدى تازارتۋدان باستاپ قاتىسا الاسىز.بىرگە ءبىزدىڭ قالانى ودان دا ادەمى ەتەيىك!»،- دەپ شاقىردى ءجۇزۋشى.
ەستەرىڭىزگە سالا كەتەيىك، الماتىدا «الماتى - ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن تازارۋىنا ۇلەس قوسا الادى.
بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، قالا بويىنشا ورنالاستىرىلعان باننەرلەرگە،پوستەرلەرگە،، افيشالارعا ارنايى QR-كود بويىنشا كىرۋگە بولادى.
الەۋمەتتىك جەلىلەردەگى ناۋقاننىڭ بەلسەندى قاتىسۋشىلارىنا ارنالعان حەشتەگتەر: #الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.
