ەلدەگى سۋ قويمالارى لىق تولى. بۇل تۋرالى سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مينيسترلىك 11 ساۋىردە قازاقستاننىڭ 7 وبلىسىنداعى ءىرى سۋ قويمالارىنداعى سۋ مولشەرى تۋرالى مالىمەت تاراتتى.
قوستاناي وبلىسىنداعى ەكى ءىرى سۋ قويماسى 92%-عا تولى. مۇندا 489 ميلليون تەكشە مەتر سۋ جينالدى.
سولتۇستىك قازاقستان وبلىسىنىڭ ەكى ءىرى سۋ قويماسى 100% سۋ جينادى.
باتىس قازاقستان وبلىسىنداعى 4 ءىرى سۋ قويماسى ورتا ەسەپپەن 68%-عا تولدى.
شىعىس قازاقستان وبلىسىندا ءۇش ءىرى سۋ قويماسىنىڭ ورتاشا سۋ جيناۋ كورسەتكىشى 84,6%.
اقمولا وبلىسىنىڭ ەكى ءىرى سۋ قويماسىنىڭ ورتاشا سۋ جيناۋ كورسەتكىشى 99%، ەكى نىسان دا ترانزيتتىك رەجيمدە جۇمىس ىستەپ جاتىر.
اقتوبە وبلىسىندا ەكى ءىرى سۋ قويماسى 98%-عا تولى. سۋ تاسقىنى كەزىندە سۋ قويمالارىنا 218 ميلليون تەكشە مەتردەن استام سۋ جينالدى.
قاراعاندى وبلىسىنىڭ 4 ءىرى سۋ قويماسى 100% تولدى. سۋ تاسقىنى كەزىندە سۋ قويمالارىنا 192 ميلليون تەكشە مەتردەن استام سۋ جينالدى.
