قازاقستان سىرتقى ىستەر مينيسترلىگىنىڭ قۇرىلعانىنا 80 جىل تولدى، دەپ حابارلايدى “ادىرنا” ۇلتتىق پورتالى.
وسىدان 80 جىل بۇرىن 1944 جىلى قازاقستان سىرتقى ساياسي ۆەدومستۆوسىنىڭ نەگىزى – قازاق كسر سىرتقى ىستەر حالىق كوميسسارياتى قۇرىلدى.
قازاقستان رەسپۋبليكاسى سىرتقى ىستەر مينيسترلىگى — ۇكىمەت قۇرامىنا ەنەتىن قازاقستاننىڭ ورتالىق اتقارۋشى ورگانى، قازاقستاننىڭ سىرتقى ساياسي قىزمەتىناتقاراتىن جانە قازاقستاننىڭ ديپلوماتيالىق قىزمەتىنىڭ ورگاندارىنىڭ ورتاق جۇيەسىن باسقاراتىن مينيسترلىك.
قازاقتاردىڭ العاشقى سىرتقى ىستەر مينيسترلىگى 1920 جىلداردىڭ باسىندا تۇركىستار اكسر-نىڭ ديپلوماتيالىق كەڭسەسى رەتىندە قۇرىلدى. مينيسترلىكتى باسقارعان ادام تۇركىستان اكسر سىرتقى ىستەر حالىق كوميسسارى رەتىندە بەلگىلى بولدى جانە ول باسقارعان مەكەمە تۇركىستان اكسر سىرتقى ىستەر كوميسسارياتى بولىپ اتالاتىن. سىرتقى ىستەر ءمينيسترى لاۋازىمى تۇڭعىش رەت 1944 جىلى، «وداقتىق رەسپۋبليكالارعا سىرتقى بايلانىستار سالاسىنداعى وكىلەتتىكتەر بەرۋ جانە وسىعان بايلانىستى سىرتقى ىستەر حالىق كوميسسارياتىن بۇكىلوداقتىقتان وداقتىق-رەسپۋبليكالىق حالىق كوميسسارياتىنا اينالدىرۋ تۋرالى» زاڭىنىن قابىلدانۋىمەن پايدا بولدى. بۇل زاڭ كومەگىمەن وداقتاس رەسپۋبليكالاردىڭ شەتەل ەلدەرىمەن تىكەلەي ديپلوماتيالىق قاتىناسقا تۇسۋىنە مۇمكىندىك بەردى، بىراق سوندا دا سىرتقى ساياساتتىن باستى فۋنكتسيالارىن اتقارعان كسرو سىرتقى ىستەر مينيسترلىگى ەدى.
قازاقستاننىڭ 1991 جىلى تاۋەلسىزدىك العانىندا عانا ەلدىڭ قازىرگى تۇرىندەگى سىرتقى ىستەر مينيسترلىگى پايدا بولعان ەدى. قازاقستان تاۋەلسىزىدىگىن جاريالاعان كەزدەگى العاشقى سىرتقى ىستەر ءمينيسترى اقمارال ارىستانبەكوۆا بولدى
