گرۋزيانىڭ ءتارتىپ ساقشىلارى رۋستاۆەلي داڭعىلىنداعى ەل پارلامەنتى عيماراتىنىڭ ماڭىندا نارازىلىق اكتسياسى كەزىندە 14 ادامدى ۇستادى، دەپ حابارلايدى "ادىرنا" ءتىلشىسى gazeta.ru-عا سىلتەپ.
ءساۋىردىڭ 15-ءى كۇنى كەشكە مىڭداعان تبيليسي تۇرعىنى گرۋزيا پارلامەنتى عيماراتىنىڭ جانىنا جينالىپ، شەتەلدىك اگەنتتەر تۋرالى زاڭنىڭ قابىلدانۋىنا قارسى شەرۋگە شىقتى.
ال گرۋزيانىڭ ىشكى ىستەر مينيسترلىگى ەرەۋىلگە شىققانداردىڭ ۇستالعان. بيلىك ولاردىڭ قوعامدىق ءتارتىپتى بۇزىپ، پوليتسيا قىزمەتكەرلەرىنە قارسىلىق كورسەتىپ، بالاعات سوزدەر ايتقان.
تاڭەرتەڭ باستالعان نارازىلىق شەرۋى كەشكە دەيىن نىعايىپ، حالىق پارلامەنت عيماراتىنىڭ جانىنا كوپتەپ جينالعانى ايتىلدى. ميتينگ ءوتىپ جاتقان رۋستاۆەلي داڭعىلىندا بەلسەندىلەر ءسوز سويلەيتىن ساحنا ورناتقان.
بەلسەندىلەر ۇيىمداستىرعان ميتينگكە ۇكىمەتتىك ەمەس ۇيىمداردىڭ وكىلدەرى، ونەر قايراتكەرلەرى، ساياساتكەرلەر، ستۋدەنتتەر مەن قاراپايىم ازاماتتار قاتىستى. جينالعاندار: «رەسەي زاڭىنا جول جوق! ەۋروپاعا ءيا!» دەپ ايعايلاعان.
ءتۇن ورتاسىنا تامان نارازىلىق بىلدىرۋشىلەر تاراي باستادى، دەپ حابارلايدى Sputnik گرۋزيا اقپارات اگەنتتىگى.
ولار كەلەسى ميتينگىگە 16 ساۋىردە جەرگىلىكتى ۋاقىت بويىنشا ساعات 11:00-دە – زاڭ جوباسى پارلامەنتتىڭ جالپى وتىرىسىندا تالقىلانۋ باستالعانعا دەيىن جينالۋعا كەلىستى. سونىمەن بىرگە كەيبىر نارازىلىق بىلدىرۋشىلەر رۋستاۆەلي داڭعىلىندا تۇنەۋگە بەكىنگەنى ايتىلدى.
«ەرەۋىلشىلەردىڭ زورلىق-زومبىلىق ارەكەتتەرىنىڭ سالدارىنان ىشكى ىستەر مينيسترلىگىنىڭ قىزمەتكەرى زارداپ شەكتى، ءتيىستى مەديتسينالىق كومەك كورسەتىلدى»، - دەلىنگەن گرۋزيانىڭ ىشكى ىستەر مينيسترلىگى حابارلاماسىندا.
ايتا كەتەيىك، «شەتەلدىك ىقپالدىڭ اشىقتىعى تۋرالى» زاڭ جوباسىن گرۋزيا پارلامەنتىنە «گرۋزين ارمانى» پارتياسى 2023 جىلدىڭ ناۋرىز ايىندا ەنگىزگەن. بۇل ارەكەت جاپپاي نارازىلىق تۋدىردى، سودان كەيىن زاڭ جوباسى كەرى قايتارىلدى.
2024 جىلدىڭ ءساۋىر ايىنىڭ باسىندا ول قاراۋ ءۇشىن قايتا ەنگىزىلدى. باستاماعا سايكەس، 20 پايىزدان استام شەتەلدەن قارجىلاندىرىلاتىن كەز كەلگەن ۇيىم جىل سايىن ولاردىڭ كوزدەرى مەن قاراجاتتى ماقساتتى پايدالانۋىن كورسەتە وتىرىپ، كىرىسى تۋرالى دەكلاراتسيا تاپسىرۋى ءتيىس.
بۇل جوباعا قارسىلىق بىلدىرگەن گرۋزيندەر مۇنى رەسەيدىڭ شەتەلدىك اگەنتتەر تۋرالى زاڭىنا ۇقساس دەپ سانايدى.
https://www.instagram.com/reel/C5z3HVStf5P/?igsh=MWhib3A5OGRrYWVodw==
