تاجىكستاننىڭ حاتلون وبلىسىنداعى «حارب-مايدون» تاۋلى-شولدىك پوليگونىندا 15 ساۋىردە رەسەي مەن تاجىكستان قارۋلى كۇشتەرىنىڭ قاتىسۋىمەن ەكىجاقتى اسكەري جاتتىعۋلار باستالدى، دەپ حابارلايدى “ادىرنا” ۇلتتىق پورتالى رەسەي قورعانىس مينيسترلىگىنىڭ ءباسپاسوز قىزمەتىنە سىلتەپ.
“وقۋ-جاتتىعۋ جۇمىستارىنىڭ نەگىزگى ماقساتى – لاڭكەستىك توپتارمەن كۇرەسۋدىڭ ءتيىمدى ستراتەگيالارىن ازىرلەۋ جانە شەكارانى قورعاۋ كەزىندە اسكەري بولىمدەردى باسقارۋ جۇيەسىن كۇشەيتۋ” دەلىنگەن حابارلامادا.
بىرلەسكەن وقۋ-جاتتىعۋلار 18 ساۋىرگە دەيىن جالعاسادى. ولارعا ورتالىق اسكەري وكرۋگتىڭ 201-ءشى رەسەي اسكەري بازاسىنىڭ بولىمدەرى، اتاپ ايتقاندا، تاۋ اتقىشتارى، موتواتقىشتار، تانك ەكيپاجدارى، ارتيللەرياشىلار جانە بارلاۋشىلار قاتىسادى.
سونىمەن قاتار، وقۋ-جاتتىعۋلارعا حيميالىق، رادياتسيالىق جانە بيولوگيالىق قورعانىس ماماندارى مەن ۇشقىشسىز ۇشاقتاردىڭ وپەراتورلارى قاتىسۋدا. وقۋ-جاتتىعۋلارعا مي-24 شابۋىلداۋشى تىكۇشاقتارىندا جانە مي-8متۆ5-1 كولىكتىك-جاۋىنگەرلىك تىكۇشاقتارىنداعى اۆياتسيالىق توپتىڭ ەكيپاجدارى قاتىسۋدا.
جاتتىعۋلارعا حيميالىق جانە بيولوگيالىق قورعانىس سالاسىنداعى كاسىبي ماماندار، ۇشقىشسىز ۇشۋ اپپاراتتارى جانە ەلەكتروندى سوعىستىڭ ءموبيلدى توپتارى دا تارتىلدى.
