الماتىدا قىسقا مەرزىمدى ەكونوميكالىق ينديكاتور يندەكسى 2024 جىلدىڭ العاشقى ەكى ايىندا 1,7% وسكەن . بۇل تۋرالى ەربولات دوساەۆ قر پرەزيدەنتىنە مالىمدەگەن ەدى.
جىل باسىندا الماتى قالاسىنىڭ اكىمى ەربولات دوساەۆ قازاقستان پرەزيدەنتى قاسىم-جومارت توقاەۆقا مەگاپوليستىڭ الەۋمەتتىك-ەكونوميكالىق دامۋى تۋرالى بايانداعان ەدى. شاھار باسشىسى الماتىنىڭ 2024 جىلدىڭ العاشقى ەكى ايىنىڭ قورىتىندىسى بويىنشا قالا ەكونوميكاسىنىڭ سەرپىندى ءوسۋى قامتاماسىز ەتىلگەندىگىن العاتارتتى.
ەربولات دوساەۆتىڭ ايتۋىنشا، الماتىنىڭ قىسقا مەرزىمدى ەكونوميكالىق ينديكاتورى 1,7% - عا ءوسىپ، 101,7% -دى قۇرادى. جەرگىلىكتى بيۋدجەتكە تۇسەتىن تۇسىمدەر 55% - عا ءوسىپ، 287,5 ملرد تەڭگەگە جەتتى. جىلدىق ينفلياتسيا قارقىنى 2023 جىلعى جەلتوقسانداعى 10,2% - دان اعىمداعى جىلعى اقپانداعى 9,9% - عا دەيىن باياۋلاۋدى جالعاستىردى.
قالا اكىمى اتاپ وتكەندەي، كولىك (+17,6%), بايلانىس (+4,2%) جانە وڭدەۋ ونەركاسىبى (+4,9%) ەكونوميكانىڭ درايۆەرلەرى بولدى.
نەگىزگى كاپيتالعا سالىنعان ينۆەستيتسيالار 24,5% – عا – 190 ملرد تەڭگەگە دەيىن، ونىڭ ىشىندە جەكە ينۆەستيتسيالار-23,8% - عا ءوستى.
«ينۆەستيتسيالار قۇرىلىمىنىڭ ساپالى وزگەرۋى بايقالادى. اعىمداعى جىلدىڭ قاڭتار-اقپان ايلارىندا تۋريزمدە ينۆەستيتسيالاردىڭ ايتارلىقتاي ءوسۋى 4,6 ەسە (3,7 ملرد تەڭگەدەن 17,5 ملرد تەڭگەگە دەيىن، ۇلەسى – 9,2%), وڭدەۋشى ونەركاسىپتە – 3,6 ەسە (3,3 ملرد تەڭگەدەن 12,1 ملرد تەڭگەگە دەيىن، ۇلەسى – 6,4%) جانە IT-سەكتوردا – 2,1 ەسە بايقالدى (6,1 ملرد تەڭگەدەن 13,1 ملرد تەڭگەگە دەيىن، ۇلەسى – 6,9%)»، - دەدى مەگاپوليس باسشىسى.
سونداي – اق قارجى قىزمەتىنە ينۆەستيتسيالار 50,5% – عا (9,8 ملرد تەڭگە، ۇلەسى-5,1%), تۇرعىن ءۇي قۇرىلىسىنا-4,8% - عا (88,5 ملرد تەڭگە، 46,3%) ءوستى. ناتيجەسىندە ينۆەستيتسيالارداعى باسىم سالالاردىڭ ۇلەسى وتكەن جىلدىڭ 2 ايىنداعى (13 ملرد تەڭگە) 8,7% - بەن سالىستىرعاندا 22,5% - عا (42,7 ملرد تەڭگە) دەيىن ارتتى.
2024 جىلى الماتى ەكونوميكاسىنىڭ تۇراقتى ءوسۋى 2 ترلن تەڭگەدەن استام ينۆەستيتسيا تارتۋ ەسەبىنەن قامتاماسىز ەتىلەدى، ينۆەستيتسيالاردىڭ ءوسۋى 10%-دى قۇرايدى، ونىڭ 90% - ى (1,8 ترلن تەڭگە) جەكە ينۆەستورلار ەسەبىنە جاتادى.
