استانا قالاسىنىڭ پوليتسيا دەپارتامەنتى سۋديا ايجان قۇلباەۆاعا قاتىستى قورقىتۋ فاكتىسى بويىنشا قىلمىستىق ءىس قوزعادى، دەپ حابارلايدى «ادىرنا» ءتىلشىسى جوعارعى سوتتىڭ ءباسپاسوز قىزمەتىنە سىلتەمە جاساپ.
سۋديانىڭ ۇيالى تەلەفونىنا بەلگىسىز نومىردەن قوڭىراۋلار مەن قورقىتۋ حابارلامالارى تۇسكەن.
«قىلمىستىق كودەكستىڭ 407-بابىنىڭ 1-بولىگى (سوت تورەلiگiن جۇزەگە اسىرۋعا كەدەرگi جاساۋ ماقساتىندا سوتتىڭ قىزمەتiنە ارالاسۋ) بويىنشا سوتقا دەيىنگى ءىس جۇرگىزۋ باستالدى. سۋديا جەكە قاۋىپسىزدىك شارالارىمەن قامتاماسىز ەتىلدى»،—دەلىنگەن حابارلامادا.
سونىمەن قاتار، ينتەرنەت كەڭىستىگىندە جۇرگىزىلگەن مونيتورينگ بارىسىندا سۋدياعا قاتىستى قىلمىستىق قۇقىق بۇزۋشىلىق ءىس-ارەكەتتەرى بار كوپتەگەن جاعىمسىز جاريالانىمدار انىقتالدى.
تەكسەرۋ ءىس-شارالارىنىڭ ناتيجەلەرى بويىنشا تەرگەۋ ورگانى قىلمىستىق كودەكستىڭ 411-بابىنىڭ 1-بولىگى (سۋدياعا جالا جابۋ) بويىنشا قىلمىستىق ءىس قوزعادى.
ايتا كەتەيىك، ايجان قۇلباەۆا اسا قاتىگەزدىكپەن جاسالعان ازاپتاۋ جانە كىسى ءولتىرۋ بويىنشا كۇدىككە ىلىنگەن بۇرىنعى ۇلتتىق ەكونوميكا ءمينيسترى قۋاندىق بيشىمباەۆ پەن ونىڭ تۋىسى باقىتجان بايجانوۆتىڭ ءىسىن قاراپ جاتىر.
