Astana qalasynyń Polıııa departamenti sýdıa Aıjan Qulbaevaǵa qatysty qorqytý faktisi boıynsha qylmystyq is qozǵady, dep habarlaıdy «Adyrna» tilshisi Joǵarǵy sottyń baspasóz qyzmetine silteme jasap.
Sýdıanyń uıaly telefonyna belgisiz nómirden qońyraýlar men qorqytý habarlamalary túsken.
«Qylmystyq kodekstiń 407-babynyń 1-bóligi (Sot tóreligin júzege asyrýǵa kedergi jasaý maqsatynda sottyń qyzmetine aralasý) boıynsha sotqa deıingi Is júrgizý bastaldy. Sýdıa jeke qaýipsizdik sharalarymen qamtamasyz etildi»,—delingen habarlamada.
Sonymen qatar, ınternet keńistiginde júrgizilgen monıtorıng barysynda sýdıaǵa qatysty qylmystyq quqyq buzýshylyq is-áreketteri bar kóptegen jaǵymsyz jarııalanymdar anyqtaldy.
Tekserý is-sharalarynyń nátıjeleri boıynsha tergeý organy Qylmystyq kodekstiń 411-babynyń 1-bóligi (Sýdıaǵa jala jabý) boıynsha qylmystyq is qozǵady.
Aıta keteıik, Aıjan Qulbaeva asa qatygezdikpen jasalǵan azaptaý jáne kisi óltirý boıynsha kúdikke ilingen burynǵy Ulttyq ekonomıka mınıstri Qýandyq Bıshimbaev pen onyń týysy Baqytjan Baıjanovtyń isin qarap jatyr.
