«تازا قازاقستان» رەسپۋبليكالىق ەكولوگيالىق اكتسياسى اياسىندا جەزقازعان قالاسىندا جالپىقالالىق سەنبىلىك ءوتتى، دەپ حابارلايدى ”ادىرنا” پورتالى.
تازالىق شاراسىنا قالانىڭ بارلىق مەكەمەلەرى قاتىستى. جالپى، 180 ۇجىمنان 9 مىڭنان استام ادام، 130 ارنايى تەحنيكا جۇمىلدىرىلدى. قالا بويىنشا 500 گا استام جەر تازارتىلىپ، 18844 تەكشە مەتر قوقىس شىعارىلدى.
سونداي-اق كوپقاباتتى ۇيلەردىڭ تۇرعىندارى دا بۇگىنگى سەنبىلىكتە اۋلالارىن جيناپ، رەتكە كەلتىردى. پيك-تەردىڭ ۇيىمداستىرۋىمەن تۇرعىندار تازالىق جۇرگىزدى.
سەنبىلىك اياسىندا جەزقازعان قالاسىنىڭ اكىمى قايرات شايجانوۆ جاۋاپتى ماماندارمەن بىرگە قالا كوشەلەرىن ارالاپ، قالانىڭ سانيتارلىق تازالىعىن تەكسەردى. سانيتارلىق تازالىقتى ساقتاماعان، اباتتاندىرۋ ەرەجەسىنە سايكەس كەلمەيتىن نىسانداردىڭ يەلەرىمەن تىلدەسىپ، كەمشىلىكتەردى قىسقا مەرزىمدە تۇزەۋ قاجەتتىگىن ايتىپ، ەسكەرتۋ جاسادى. عيماراتتار الدىن تازالاۋ، اۋماقتى اباتتاندىرۋ سياقتى جۇمىستار جۇرگىزۋدى تاپسىردى. سونىمەن قاتار، كوممۋنالدىق مەكەمەلەر باسشىلارىنا قالا كوشەلەرىن، جاياۋ جۇرگىنشى جولدارى مەن ايالداما اۋماقتارىن تازارتۋ جانە قوقىستان ارىلتۋ جونىندە ناقتى تاپسىرمالار جۇكتەدى.
