الاش الاڭىنداعى مەرەكەلىك كەش قالانىڭ باي تاريحىن، ەڭبەك داڭقىن جانە بۇگىنگى دامۋىن بەينەلەيتىن «جۇلدىزى جانعان جەزقازعان» مۋزىكالىق-حورەوگرافيالىق كومپوزيتسياسىمەن اشىلدى. ساحنادا ەلىمىزگە تانىمال ونەرپازدار مەن ءوڭىردىڭ شىعارماشىلىق ۇجىمدارى ونەر كورسەتتى.
وبلىس ورتالىعىنىڭ تۇرعىندارىن قالا كۇنىمەن ۇلىتاۋ وبلىسىنىڭ اكىمى ەسەت بايكەن قۇتتىقتادى. ءوڭىر باسشىسى جەزقازعاننىڭ قازاقستان تاريحىندا ەرەكشە ورنى بار ەكەنىن، قالانىڭ ەلىمىزدەگى ءىرى ونەركاسىپ ورتالىقتارىنىڭ ءبىرى ءارى جاسامپاز ەڭبەكتىڭ سيمۆولى سانالاتىنىن اتاپ ءوتتى.
«پرەزيدەنتىمىز قاسىم-جومارت كەمەلۇلى توقاەۆتىڭ تاريحي شەشىمىمەن جەزقازعانعا وبلىس ورتالىعى مارتەبەسىنىڭ قايتارىلۋى قالاعا جاڭا مۇمكىندىكتەر اشتى. ءبىزدىڭ ورتاق مىندەتىمىز – جەزقازعاندى زاماناۋي، كورىكتى ءارى ءومىر سۇرۋگە جايلى قالاعا اينالدىرۋ. جۇزەگە اسىرىلىپ جاتقان بارلىق جوبا، ەڭ الدىمەن، حالىقتىڭ ءومىر ءسۇرۋ ساپاسىن ارتتىرۋعا باعىتتالۋى ءتيىس»، – دەدى ەسەت بايكەن.
قالا كۇنى اياسىندا وبلىس ورتالىعىنىڭ ءتۇرلى الاڭدارىندا تۇرعىندار مەن قوناقتاردى بىرىكتىرگەن مادەني، سپورتتىق جانە ويىن-ساۋىق ءىس-شارالارى ءوتتى. جەزقازعاننىڭ تاريحىنا، ەڭبەك داستۇرىنە، مادەنيەتىنە، وتباسىلىق قۇندىلىقتار مەن بەلسەندى ءومىر سالتىنا ەرەكشە كوڭىل ءبولىندى. سونىمەن قاتار، «تازا قازاقستان» تۇجىرىمداماسى اياسىندا قالا تۇرعىندارى اراسىندا «ۇزدىك اۋلا» بايقاۋى ۇيىمداستىرىلدى.
بۇگىندە وبلىس ورتالىعىندا تۇرعىن ءۇي قۇرىلىسى، ءبىلىم بەرۋ، دەنساۋلىق ساقتاۋ، سپورت، اباتتاندىرۋ جانە ينجەنەرلىك ينفراقۇرىلىمدى جاڭعىرتۋ باعىتتارىندا ءىرى جوبالار جۇزەگە اسىرىلۋدا. جاستارعا جاڭا مۇمكىندىكتەر جاساۋعا جانە جايلى قالالىق ورتا قالىپتاستىرۋعا ەرەكشە نازار اۋدارىلىپ وتىر.
ديماش قۇدايبەرگەن "قازاقستاننىڭ جىل ءارتىسى" جانە "جىل ەسترادالىق كونتسەرتى" نوميناتسيالارىن يەلەندى
