Alaş alaŋyndaǧy merekelık keş qalanyŋ bai tarihyn, eŋbek daŋqyn jäne bügıngı damuyn beineleitın «Jūldyzy janǧan Jezqazǧan» muzykalyq-horeografiialyq kompozisiiasymen aşyldy. Sahnada elımızge tanymal önerpazdar men öŋırdıŋ şyǧarmaşylyq ūjymdary öner körsettı.
Oblys ortalyǧynyŋ tūrǧyndaryn Qala künımen Ūlytau oblysynyŋ äkımı Eset Baiken qūttyqtady. Öŋır basşysy Jezqazǧannyŋ Qazaqstan tarihynda erekşe orny bar ekenın, qalanyŋ elımızdegı ırı önerkäsıp ortalyqtarynyŋ bırı ärı jasampaz eŋbektıŋ simvoly sanalatynyn atap öttı.
«Prezidentımız Qasym-Jomart Kemelūly Toqaevtyŋ tarihi şeşımımen Jezqazǧanǧa oblys ortalyǧy märtebesınıŋ qaitaryluy qalaǧa jaŋa mümkındıkter aşty. Bızdıŋ ortaq mındetımız – Jezqazǧandy zamanaui, körıktı ärı ömır süruge jaily qalaǧa ainaldyru. Jüzege asyrylyp jatqan barlyq joba, eŋ aldymen, halyqtyŋ ömır süru sapasyn arttyruǧa baǧyttaluy tiıs», – dedı Eset Baiken.
Qala künı aiasynda oblys ortalyǧynyŋ türlı alaŋdarynda tūrǧyndar men qonaqtardy bırıktırgen mädeni, sporttyq jäne oiyn-sauyq ıs-şaralary öttı. Jezqazǧannyŋ tarihyna, eŋbek dästürıne, mädenietıne, otbasylyq qūndylyqtar men belsendı ömır saltyna erekşe köŋıl bölındı. Sonymen qatar, «Taza Qazaqstan» tūjyrymdamasy aiasynda qala tūrǧyndary arasynda «Üzdık aula» baiqauy ūiymdastyryldy.
Bügınde oblys ortalyǧynda tūrǧyn üi qūrylysy, bılım beru, densaulyq saqtau, sport, abattandyru jäne injenerlık infraqūrylymdy jaŋǧyrtu baǧyttarynda ırı jobalar jüzege asyryluda. Jastarǧa jaŋa mümkındıkter jasauǧa jäne jaily qalalyq orta qalyptastyruǧa erekşe nazar audarylyp otyr.
