ونەركاسىپ جانە قۇرىلىس ءمينيسترى سۋ تاسقىنىنان زارداپ شەككەندەرگە ارنالعان وتەماقى قولما قول بەرىلمەيتىنىن ايتتى، دەپ حابارلايدى "ادىرنا" ءتىلشىسى.
قانات شارلاپاەۆ سۋ تاسقىنىنان زارداپ شەككەن ازاماتتارعا 22 ملن تەڭگە بەرىلەتىنىن ايتتى.
"مەملەكەت ەشقانداي قاراجاتتى ەشكىمگە قولعا بەرمەيدى. ءار ادام ءارتۇرلى. قوعامدا جاۋاپكەرشىلىگى بار نەمەسە جاۋاپكەرشىلىگى جوق ادامدار بار. قازىرگى تاڭدا ءۇيدى قايتا سالۋ ءۇشىن قولعا قاراجات بەرسەك، ول ادام جەكە ماقساتىنا جۇمساسا، قىستا ول اداممەن نە ىستەيمىز؟ سوندىقتان مەملەكەتتىڭ شەشىمى وسىنداي", - دەدى شارلاپاەۆ ۇكىمەتتىڭ ءباسپاسوز ءماسليحاتىندا.
ودان بولەك، سۋ تاسقىنىنان زارداپ شەككەن ازاماتتار ءۇي الۋدى وزدەرى شەشەدى.
ء"ۇيدى قايتىپ تۇرعىزادى، بولماسا اكىمدىك ارقىلى ەكىنشى نارىقتان پاتەرلەر الادى. بىراق جوندەۋ جۇمىستارىن اكىمدىك پەن قۇرىلىس كومپانيالارى جاسايدى. اكىمدىك شەشىمى بويىنشا تەك بىرنەشە وڭىردە قولدارىنا قاراجات بەرەمىز. بۇل تەك جوندەۋ جۇمىستارىنا عانا", - دەدى ۆەدومستۆو باسشىسى.
