Ónerkásip jáne qurylys mınıstri sý tasqynynan zardap shekkenderge arnalǵan ótemaqy qolma qol berilmeıtinin aıtty, dep habarlaıdy "Adyrna" tilshisi.
Qanat Sharlapaev sý tasqynynan zardap shekken azamattarǵa 22 mln teńge beriletinin aıtty.
"Memleket eshqandaı qarajatty eshkimge qolǵa bermeıdi. Ár adam ártúrli. Qoǵamda jaýapkershiligi bar nemese jaýapkershiligi joq adamdar bar. Qazirgi tańda úıdi qaıta salý úshin qolǵa qarajat bersek, ol adam jeke maqsatyna jumsasa, qysta ol adammen ne isteımiz? Sondyqtan memlekettiń sheshimi osyndaı", - dedi Sharlapaev úkimettiń baspasóz máslıhatynda.
Odan bólek, sý tasqynynan zardap shekken azamattar úı alýdy ózderi sheshedi.
"Úıdi qaıtyp turǵyzady, bolmasa ákimdik arqyly ekinshi naryqtan páterler alady. Biraq jóndeý jumystaryn ákimdik pen qurylys kompanııalary jasaıdy. Ákimdik sheshimi boıynsha tek birneshe óńirde qoldaryna qarajat beremiz. Bul tek jóndeý jumystaryna ǵana", - dedi vedomstvo basshysy.
