ماحامبەت اۋدانىندا جايىق وزەنىنىڭ جايىلماسىنا سۋ شىعىپ جاتقانى انىقتالدى، دەپ حابارلايدى "ادىرنا" ءتىلشىسى قازاقپاراتقا سىلتەپ.
اتىراۋ وبلىسىنىڭ جەدەل شتابى 23 ساۋىردە ماحامبەت اۋدانىنداعى 17 ۋچاسكەگە قارعىن سۋدىڭ جايىلعانى تىركەدى.
«ماحامبەت اۋدانى اكىمدىگىنىڭ مالىمەتىنشە، جىل سايىن سۋ جايىق وزەنىنىڭ جايىلماسىنا 9 مامىردان بۇرىن كەلمەيتىن ەدى. بيىل قارعىن سۋ ادەتتەگىدەن ەكى اپتا بۇرىن كەلدى. قازىر جايىق وزەنىنەن تولەپ-قاراسۋ، قورجىن، الماعامبەت، ولىشىعاناق، گاگۋشكين، قىزىلجار، 15-اۋىل، 13-اۋىل، پەترۋشكين، 12-اۋىل، 9-اۋىل، قاراشىعاناق، كىشى قاراشىعاناق، 8-اۋىل، باقساي، گلۋحوي جانە سبورنىي جايىلماسىنا قارعىن سۋدىڭ شىققانى تىركەلدى»، - دەپ حابارلادى وبلىستىق شتابتان.
ۇقساس جاڭالىقتار
