Mahambet aýdanynda Jaıyq ózeniniń jaıylmasyna sý shyǵyp jatqany anyqtaldy, dep habarlaıdy "Adyrna" tilshisi QazAqparatqa siltep.
Atyraý oblysynyń jedel shtaby 23 sáýirde Mahambet aýdanyndaǵy 17 ýchaskege qarǵyn sýdyń jaıylǵany tirkedi.
«Mahambet aýdany ákimdiginiń málimetinshe, jyl saıyn sý Jaıyq ózeniniń jaıylmasyna 9 mamyrdan buryn kelmeıtin edi. Bıyl qarǵyn sý ádettegiden eki apta buryn keldi. Qazir Jaıyq ózeninen Tólep-Qarasý, Qorjyn, Almaǵambet, Ólishyǵanaq, Gagýshkın, Qyzyljar, 15-aýyl, 13-aýyl, Petrýshkın, 12-aýyl, 9-aýyl, Qarashyǵanaq, Kishi Qarashyǵanaq, 8-aýyl, Baqsaı, Glýhoı jáne Sbornyı jaıylmasyna qarǵyn sýdyń shyqqany tirkeldi», - dep habarlady oblystyq shtabtan.
