Atyrau oblysynda tūraqty ūiymdasqan qylmystyq toptyŋ äreketı toqtatyldy. Ūzaq uaqyt boiy olar marihuana (esırtkı) jetkızu jäne satumen ainalysqan. Būl tural QR Işkı ıster ministrlıgı Esırtkı qylmysyna qarsy küres departamentı mälımdedı, dep habarlai “Adyrna” ūlttyq portaly.
Ūiymdasqan qylmystyq toptyŋ ūiymdastyruşysy men müşelerın ūstau üşın tergeuşılerge bes ai qajet boldy.
Qazaqstan Respublikasy Işkı ıster ministrlıgı Esırtkı qylmysyna qarsy küres departamentı bastyǧynyŋ mındetın atqaruşy Asqar Mūhametqaliev atap ötkendei, qylmystyq toptyŋ äreketı anyq anyqtalǧan.
Topty ūiymdastyruşy Qyzylorda oblysynyŋ tūrǧyny bola otyryp, marihuanany Şymkentten Atyrauǧa jöneltumen ainalysqan. Ärı qarai toptyŋ basqa müşelerı onyŋ nūsqaularyn oryndap, tauarlardy qarsy alyp, belgılı bır jerde saqtaidy. Osydan keiın olar mekenjailarǧa taratylyp, esırtkı satudan tüsken qarajatty jinap, kartaǧa jöneltedı.
Söitıp olar marihuanany 6 million teŋgege satqan.
Aitpaqşy, top müşelerı Qyzylorda, Qaraǧandy jäne Atyrau oblystarynyŋ tumalary.
Atalǧan faktı boiynşa Qazaqstan Respublikasy Qylmystyq kodeksınıŋ 262-baby «Ūiymdasqan top qūru jäne basqaru, sol siiaqty olarǧa qatysu» boiynşa sotqa deiıngı tergeu bastaldy. Ūiymdastyruşy men top müşelerı mülkı tärkılenıp, 12 jylǧa deiın bas bostandyǧynan aiyryluy mümkın.
“Adyrna” ūlttyq portaly
