Atyraýdaǵy balabaqshalardyń birinde tárbıeshi balany uryp jiberdi, dep habarlaıdy "Adyrna" tilshisi Stan.kz-ke siltep.
Damý múmkindigi shekteýli balalardy tárbıeleıtin ortalyqta tárbıeshi balaǵa qol kótergen vıdeosy jelide tarap ketti.
Beınejazbada tapsyrma oryndap otyrǵan balaqaı jan-jaǵyna alańdaǵan. Sol áreketi úshin oqytýshydan shapalaq alǵan.
Bul oqıǵa Atyraýdaǵy "Dara-Inklý" jekemenshik balabaqshasynda bolǵany anyqtalyp otyr. Beınejazbany balabaqsha qyzmetkerleriniń ózderi sabaq ótý kezin kórsetý retinde túsirip, ata-analar tobyna joldap jibergen.
Balanyń ata-anasy qyzmetkerdiń ústinen aryzdanǵan.
“Atyraý qalalyq polıııa departament atalǵan fakti boıynsha tergeý bastalǵanyn, basqa málimetter tergeý múddesi úshin jarııa etilmeıtini habarlaıdy”, – dedi qalalyq polıııa departamenti.
Qalalyq bilim bólimi de oqıǵanyń qatań baqylaýda ekenin habarlady.
“Tekserý qorytyndysy boıynsha zańǵa sáıkes tártiptik sharalar qoldanylady”, – delingen habarlamada.
